شلون حالك والدي حاچيني

[ترانيم السماء]

شلون حالك والدي حاچيني
من دفنت ارويحتي وضي عيني
------
بويه أنشدك واعرف اجوابك صعب
شلون وسّدت الحنينه بالترب
بويه هم شفت الضلع دمهّ يصب
ادري خايف تحچي وتبچيني
-----
العزيز شلون يدفن مهجته
وحگ جدّي ادري صعبه إمصيبته
الدفن خلّه ظلمه تصبح دنيته
الهل سبب شفتك وتهمل عيني
-----
نكسر ظهرك بويه أنشدك ياعلي
فوگ جسم أمي الترب من ينهلي
هم صحت مثلي منو الباقي الي
ليش يا ام الوفه اتعوفيني
--------
بويه أنشدك وأدرية نار ابمهجتك
يا مصيبه الأمّي حيل الأذّتك
سطرة العين الأضنها بچّتك
خدها احمر فاجعه التآذيني
------
توسّدت گبل أمي بويه باللحد
شلون حالك وانت تدفن بالورد
من تهيل اترابها بعينك تصد
وياها تدفن كل بقايا سنيني

[توفي]

جميل جدا, الله يحفظ اباءنا ويرحم اللي غادروا.

[الأزري]

قصيدة اكثر من جميلة وفقكم الباري ياترانيم السماء