تويت
يا باب الحـوائـج واعــرف بــهاي
يسـمونه الـخـلــگـ عـطـاي المراد
امـامـي وسيـدي وكلي امنـت بيك
وازورك سـيدي مشـيا عالـعنــاد
المـا عرفـوا فضـلكم خـل يولـون
ليش الـحارباك شحصـل وفــاد
يا نسـل النــبوة وحـجـة الكــون
يا اصـل الطـهارة وزيـن العــباد
ابوسجدة الطويلة الخسفت الگاع
يالمــسيــير الكون شلـون مـاراد
ياصـائم نـهـاره وقـائـم اللــيـل
يالمطلگ فرشته وناسي الوساد
حگي الطم عليك وانحب اليوم
يكون البس سواد واكل ارماد
نگص ايـد الخيـانـة السمتك ليش
لان عرفـوا حجمكم گـام يزداد
حـفاظا عالمـناصب سمـوا الدين
لان نــهـج الطـغـاة يـزيح الاضداد
لان انت ابنَ جعفر يعني الحسين
مارادوا الـثـورة انــوب تـنـعــاد
سلاما يا امـامي بكــل الازمـان
وسلاما للـغـريب وخـير الاجـواد
تعليق