إعـــــــلان

تقليص
لا يوجد إعلان حتى الآن.

ابوذيات للانصار

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ابوذيات للانصار

    الأنحصار

    جبل ثهلان من همنه ترحنه
    انهضمنه وبس شهادتنه ترحنه
    أنصارك يبواليمه ترحــــــــــــنه
    نسور ولا تهمنه اصكور اميه
    ***
    نسورك يبن حيدر واينحــــلها

    سيوف ومن يصدها واينحلها
    عافت حلايلها وينـــــــــــحلها

    وعرضت دمها بسوك المنيه

    (حوار بين حبيب بن مظاهر وبني هاشم)


    حبيب يصيح هذا اليوم يومـــاي
    وغده جف الاجل يحسين يوماي
    شتريد السيف دم ايجيب يوماي

    لمن تعطش اكلوب الفاطميه

    (جواب الحسين(ع) لحبيب)

    لمن شفت وجهك سطع ومـــهل
    شطر دمعي على الوجنات ومهل
    أصبر يبن ظاهر دوك ومـــــــهل
    وخلني استشير الفاطمية
    ـ
    استشاره الحسين(ع)للعباس

    إلي نار ابصحن جبدي ويتلي
    ولساني بالصبر يلهج ويتلي
    يعباس اعتنت كومي ويتلي
    تريد اتخوض حرب الغاضريه

    (جواب العباس للحسين(ع)
    يخويه ابوكفة انصارك قبلنه

    لجن مانرضه تستشهد قبلنه
    الدهر وجيوشه لوصفت قبلنه
    نكابلها ولانهـــــــــاب المنيه

    جواب حبيب بن مظاهرللعباس(ع)

    برايك هذا من كلبـــــــــي وتروي
    اشتكول العرب من تحجي وتروي
    العبيد اتأخرت تنــــــــــعم وتروي
    ورمت ساداتها ابحــــــلك المنيه


    (جواب العباس(ع)لحبيب)


    حبال الموزمه سيفي فللها
    واجيوش الكفرلو صفت فللها
    احمول الزمل لوطاحت فللها
    غير الأهل والتحمـــلها هيه

    (جواب حبيب للعباس(ع)
    وحياتك جدمي للميدان منكال


    وزودي زاد ياعباس منكال
    انتم بالحرب تبدون منكال
    كبلكم احنه نتقدم ضحيه

    خطاب حبيب مع مسلم بن عوسجه

    يمسلم شاعت اخبارك وصيتك
    ونداك ابمسمعي يدوي وصيتك
    يبن عوسجه بينلي وصيتك
    كبل لاتغفه بحجور المنيه


    (وصية مسلم بن عوسجه لحبيب)
    يهالتعرف عظم شاني وصيتي

    هتافي مو لجل اهلي وصيتي
    ببوالسجاد وعياله وصيتي
    واريدك تحفظ حكوك الوصيه

    (حوار جون مع الامام الحسين(ع)
    يحسين المحن للكلب لمن

    وايام العمر بس هظم لمن
    يتحقق امل دنياي لــــمن
    يسيلن دمك ودمي سويه

    (جواب الحسين(ع)لجون)
    وحك من طاف حول الحجر وساع

    كظيم وجرحي من الهظم وساع
    انكظه عمرك يجون اوياي وساع
    اتركني ولاتظل محتار بيه
    (جواب جون للحسين(ع)
    وجهي انخطف لونه اعليك وشلون

    النواظر من مسيل الدمع وشلون
    ايام الرخه وياك وشلون
    اعوفك بالشدد يصعب عليه

    جابر الكاظمي

  • #2
    الملفات المرفقة

    تعليق

    يعمل...
    X