تويت
هل محرم يله خل نبجي ونون
وخلي دمعاتك دمه يذبه الجفن
هذا شهر الاه والحسرات اجه
رافع الرايات بيه بس الحزن
أحسين جرح بروحي ما نام وغفه
وكل سنه بعاشور نزفه يضاعفه
ما يطيب ومنه ميئوس الشفه
ردته لي يبقه علامه للوفه
لاهل بيت النبي وامهم فاطمه
احسينهم بالطف ذبيح بلا جفن
هل محرم يله خل نبجي ونون
وخلي دمعاتك دمه يذبه الجفن
هذا شهر الاه والحسرات اجه
رافع الرايات بيه بس الحزن
جدد الذكرى واخذ منه المعاني
حسين موقف واضح وحب وتفاني
هو صرخه بوجه كل قاتل وجاني
حسين يرفض كل خضوع وكل هوان
ايريدنه للحق جنود
انموت لاجله ونندفن
هل محرم يله خل نبجي ونون
وخلي دمعاتك دمه يذبه الجفن
هذا شهر الاه والحسرات اجه
رافع الرايات بيه بس الحزن
أحنه من الطف تعلمنه النضال
عدنه زفة عرس صولات القتال
ما نهاب الموت نفرح بالنزال
نحشه حش بسيوفنه روس الابطال
أسال داعش عنه اتكلك
بيه اسيوف الحق اشسون
هل محرم يله خل نبجي ونون
وخلي دمعاتك دمه يذبه الجفن
هذا شهر الاه والحسرات اجه
رافع الرايات بيه بس الحزن
يل تحب احسين حارب كل فساد
وهذا باب انفتح ثاني للجهاد
طفي نار البوك خل تصبح رماد
أحسين ما يقبل تدمر بالبلاد
وال يبوك ايصير من جند العدو
هي نفس الغايه تخريب الوطن
هل محرم يله خل نبجي ونون
وخلي دمعاتك دمه يذبه الجفن
هذا شهر الاه والحسرات اجه
رافع الرايات بيه بس الحزن
ما نبطل احنه عادات اللطم
وعن شعائرنه ابد ما ننفطم
ولو تركناها نذل وننهضم
هيه صرختنه بوجه كل الظلم
ولاجل تبقه شكد فديناه برجال
أعدام ما هزنه ولا ظلمة سجن
هل محرم يله خل نبجي ونون
وخلي دمعاتك دمه يذبه الجفن
هذا شهر الاه والحسرات اجه
رافع الرايات بيه بس الحزن
تعليق