شيعية صرختي شيعية ... للشاعر حيدر تركي الكربلائي

[عاشق رقية عليها السلام]

شــيعـيه ** صرخــتي ** شــيعــيه
شــيعـيه ** صرخــتي ** شــيعــيه
___________________________

الــسوه روحــه ماعــرفني راح اگــله امنين ارد
انــه امي الفـتوه اســمها اوالـدي اســمه الحشد
والله كل تاريخي ابيض والي بـس يحله المجد
ابــقه سيـد طول عــمري وما اصير انــه عـــبد

بـــيديـــه ** رايـــتــي ** بــيـــديه
شــيعـيه ** صرخــتي ** شــيعــيه
___________________________

انه صاحي طـول عمري وللسهر عندي شغف
لاني من اهـل الگبور اولاني من اهـل الكهف
الله مـــن يوم الخــلقـنــي ماخــلقني للــترف
جــنـدي بـمــر المـرجعيه والقــياده بــالنجف

يـــوميـه ** دعــوتـي ** يــومـــيه
شــيعـيه ** صرخــتي ** شــيعــيه
___________________________

شمس انــه اولاتـگول ابنـورهـا لا ما أحـس
تـره بالـغربيل انــته ماتـظـم وجــه الشمس
ادري تذكر زيـن سيـفي شلـون لقنكم درس
اكـسرت بالفلوجه خشمك من دخلتها أمس

مگــظـيه ** ابهــمــتي ** مگــظـيه
شــيعـيه ** صرخــتي ** شــيعــيه
___________________________

اكتابي عنوانه الـمراجل والشجاعه اكتابي
يخـتـرع لــو قــره بــيه ويجــفل الـوهـابي
الي يسألني اعله اصــلي راح اگـله اجوابي
انه شيعي وابـن شــيعي وافـتخر بـنسابي

والبــــيه ** غــيرتـي ** والبــــيه
شــيعـيه ** صرخــتي ** شــيعــيه
___________________________

انه بالحق ما اخاف ودوم يحچي اللساني
بايـعــت حــيدر خلــيفه ومــا ابــابــع ثاني
مســتـحيل ومستحيل الدنــيه لـو تنساني
انه ابـن فتــوة جــهــاد الــسيد السـستاني

ثــوريــه ** فــتــوتي ** ثــوريــه
شــيعـيه ** صرخــتي ** شــيعــيه
___________________________

لايسولف عالشجاعه البي شجاعه ابمحظري
المثل مرحب وابن ود انـترس بيهم دفتري
انــه عبـــاسي حســيني حــســنياً حــيدري
بالحشد جندي مقاتل فــدوه لـبن العسكري

عــربـيه ** نـخــوتي ** عــربـــيه
شــيعـيه ** صرخــتي ** شــيعــيه
___________________________
تمت والحمد لله في ٣٠/ ٨/ ٢٠١٦
حيدر تركي الكربلائي