هذا ثوب الشرف لفوك بعلم 🔹◾🔹◾🔹◾🔹

[فداء الكوثر]

قصيدة الى الشهيد العراقي بقلم الشاعر حيدر موسى الرميثي
عفيه اخوي استشهد بسوح الشيم . هذا ثوب الشرف لفوك بعلم
1....................................
عفيه اخوي المايذل للظالمين . عفيه اخوي البطل تربية الحسين
ابد ماينطي الوطن للمعتدين . بدمه يحمي اعراض كل المسلمين
دافعت عن اخوتك يالماتذل . عفية اخوي الي ثبت كول وفعل
خوية كلي خاف حسيت بألم . هذا ثوب الشرف لفوك بعلم
2........................................


وي نداء المرجعية اتحزمت . كمت تتحدة الرصاص وماخفت
شكثر ياخوية دواعش كتلت . كلت ﻻ للذله سمعوك شكلت
شلت راسي وتضحك وي الموت عين . خلي اقبلك يابعد عيني الحنين
ثوبك شمحﻼته بي دم انرسم . هذا ثوب الشرف لفوك بعلم
3.................................


عفية اخوي البلحرب شد النطا ق . حررت بدم يخوي ارض العراق
كلت ماتبقى بوطنه اهل النفاق . عندك وي الموت يالباسل سباق
جاهدت يابطل من اجل الصﻼه . انت ابوك النجف وامك كربﻼء
بالشهادة يا أسد عمرك ختم . هذا ثوب الشرف لفوك بعلم
4................................


اتطوعت وي الحشد اهل الوفاء . الحشد رفعو راية الكافل لواء
حشد شعبي للوطن نزفو دماء . ابد ماينمس ترابج كربﻼء
من ابو فاضل بعدهي الغيره هاي . صحت ارخص للوطن روحي ودماي
ماخظع للباطل ويقسم قسم . هذا ثوب الشرف لفوك بعلم
..........


رحم الله من قرأ الفاتحة ﻷرواح شهداء العراق وشهداء اﻹسﻻم جميعا.

🔹❇🔹❇🔹❇🔹❇🔹❇🔹❇🔹❇🔹❇