أدخل بتسجيل أبوذية في الأمام العباس

[الأعلامي]

سلام من السلام ...

الأمام العباس عليه السلام عضد الحسين ...
وساقي عطاشى كربلاء .. وكافل زينب ..

من منا لم يعرف أنه قد قبل يديه ثلاثة من المعصومين ...
الإمام علي .. والإمام الحسين ... والإمام زين العابدين .. عليهم السلام ...
عرفانا منهم بفضله وإيمانه وشجاعته وصبره ..

إذن يا كفوف أبي الفضل عليه السلام في هذا المنتدى ...
قبلوا يد أبي الفضل بكتابة أبوذية تصف شجاعته ومواقفه في كربلاء ...

وأنا أول من سيقبل يده ...

[الأعلامي]

النبي وصّه علي بعباس عبّاس
ابتشرنه وجه ابو سفيان عباس
فطر بطن السمه من نزل عباس
بنزلته وكسّر خشوم ال اميه

بنزلته وكسر خشم الكفر من صال
صل هذا اصيل انولد من صال
بالدم دفه عظم الدين من صال
وشعل بالدم فيافي الغاضريه

شعل بالدم فيافي الارض وسماه
هذا المرتضى بالشرف وسماه
عله راس الگنطره حطاه وسماه
سبع الگنطره ورد المنيه

سبع الگنطره المهيوب ماهاب
موهوب الگمر چی گمر ماهاب
من هب الهوه وياه ماهاب
وگف حته الهوه بالغاضريه

وگف حته الهوه والجيش صف صف
وطرگهم طرگة السرحان صف صف
شته هذا يصيح وذاك صف صف
زلم مطرت سماهه عله الوطيه

زلم مطرت سماهه وساف من ساف
وبنه للدين بالدم ساف من ساف
تره العباس شايل سيف من ساف
عدا الفقار ماموجود اخيه

عدا الفقار سيفه مايمنه
الكون بكبره من هد مايمنه
اجه مناك صاحو مايمنه
اجه منا نثرهم واهليه

اجه منا نثرهم سوگ من ساگ
سگه ساگي المنايا الموت من ساگ
التفت ماتميز ساگ من ساگ
صور بكربله دگ لال اميه

صور بكربله والدين بيناه
بصوته وعاش طول الدهر بيناه
لهسه اللاگته من الوجه بيناه
بخد كل نذل طابع راشديه

[محمد الكاظمي]

يالهمك ثجيل وشاب منه الراس
اكصد واشكي همك للبطل عباس
باب الحوائج وشفى لكل الناس
يكضيهة عباس الحاجة

[الأعلامي]

صح لسانك ...

أخي الغالي

[الأعلامي]

اصوات الحرب قرعة طبلها
لأن عباس بالحـــومة طبلها
بس هو نوصف سيفه طبلها
يداوي الملتزم بفعال امية

[محمد الكاظمي]

ابا الفضل يامن اسس الفضل والابى
ابا الفضل الاان تكون انت له ابى

[جبل الصبر]

حرت لمن كفيلي راح عناي
وعلى العيله كصد للنهر عناي
غيابك حيل يا عباس عناي
وفطر كلبي وحك ظاع الزجيه

[الأعلامي]

ابا الفضل يامن اسس الفضل والابى


ابا الفضل الاان تكون انت له ابى

صح لسانك .........

يزينب لودرتي بخبر...علماي

اطيح وساعدي مبتور...علماي

امانه يختي اتحفظين...علماي

وتدفنين العلم والجف سويه

[الأعلامي]

حرت لمن كفيلي راح عناي

وعلى العيله كصد للنهر عناي
غيابك حيل يا عباس عناي
وفطر كلبي وحك ظاع الزجيه

صح لسانج يالزينبية ...


انه المنذور عمري ونذر...كفاي

ونذر لحسين بالشدات...كفاي

صرت ظل ولعد حسين...كفاي

حمايه من الشمس وجيوش اميه

[الأعلامي]

تظل تذكار مد الزمــن...يداي

ومنه يتروي العطشـان...يداي

كبل جان اليساقي الماي...يداي
زمزم تشهد شبيه اليه