إعـــــــلان

تقليص
لا يوجد إعلان حتى الآن.

احجي ويه انجوم ليلي ..ولالم هدالي حيلي

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • احجي ويه انجوم ليلي ..ولالم هدالي حيلي

    احجي ويه انجوم ليلي ..ولالم هدالي حيلي
    من يصبرها العليله ..للنجم اني اشتكيله .والالم هدالي حيلي
    _
    قصتي اتشيب الطفل يا هل بريه
    جنت ورده امفتحه ابجال الشفيه
    تالي ذبلها الحزن بلمر علية
    اليفكد اهله شله بلدنيه الرديه
    ونتي فتت دليلي --من الزغر اصرخ يويلي
    كلبي ما بطل عويله ..للنجم اني اشتكيله ولالم هدالي حيلي
    _
    عيني عل محراب وتذكر دلالي
    وسفه عني اتروح يا اغله الغوالي
    يا عمود البيت هسا البيت خالي
    روحي اطشها عليك بس ترجع يوالي
    يا نجم انقل كلامي ..بلكي يسمعني امامي
    من دمه دمعي اسيله للنجم اني اشتكيله ..ولالم هدالي حيلي
    _
    طالت الغيبه اعلة طفلتكم يروحي
    اللطم ولنوح ما يشفي جروحي
    يا حسافه من الزغر طاحت صروحي
    طيحت حته الجفن بويه ويه نوحي
    والله لعميهن عيوني ..اهلي راحو ما يجوني
    بلصبر اني دخيله ..للنجم اني اشتكيله ..ولالم هدالي حيلي
    _
    سفرت الاحباب طالت عل حزينه
    ولفكد احباب الله اليعينه
    ردت موتي من مشت عني الظعينه
    بست ايد الوالد اوكلنه بجينه
    كلي صبرن يا حياتي ..انتي اغله كل بناتي
    سفرتي كلش طويله ..للنجم اني اشتكيله ولالم هدالي حيلي
    _
    اوداعت الله يلرحت عن الحبيبه
    الله قاسم طفلتك تبقه غريبه
    وحشت الخوان يابويه رهيبه
    كلبي حس عللطفل تحصل مصيبه
    انته تعلم بلجرالي ..موتي اهون يا مثالي
    حزني ما شايف مثيله ..للنجم اني اشتكيله .ولالم هدالي حيلي
    _
    بويه اتربه الطريقك كل مسيه
    تالي يلفيني الخبر يابو الحميه
    ايكلي اهلج طاحو اوسلبو رقيه
    ولعزيز اتوذر اوزينب سبيه
    ما بقت منهم نشامه ..رجعو اوكلهم يتامه
    روحي شوفيها العقيله ..للنجم اني اشتكيله .ولالم هدالي حيلي
    _
    للشاعر حيدر محمد الكعبي
يعمل...
X