اسئل داري عن اخباري شوف اشسوه البين

[حيدر محمد علي]

اسئل داري عن اخباري شوف اشسوه البين
..اليفكد غالي دمعه يلالي يبقه عللخدين
ولفارك احباب ..عينه اتظل علباب
_
كلبي من كثر المصايب ذايب اليله ابونينه
دهري خلاني وحيده من مشت عني الظعينه
الطم اودمعي يتجاره والله مشتاكه الحنينه
اسهر ليلي ..اوصرخ ويلي من انظر بلدار
بيتك خالي اه يلوالي متخبرني اشصار
شيرجع الغياب عينه اتظل علباب
_
فاركوني واني طفله منهو اليخبرني عنهم
طولو عني الغوالي اردكولن هسه جنهم
عني يحجون الحبايب بلسمه انرسمت صورهم
اشلون اتشافه كلبي اخلافه ينبظ بلاهات
ولعافوني ما عرفوني امسي ويلدمعات
ما اقنع بغياب ..عينه اتظل علباب
_
السهر ذبل جفوني ولالم ايامه طالت
يا كمر انقل كلامي اوكله طفله هيجي كالت
كالت الفارك حبايب يا وسف ايامه طالت
ميته اخلافك مات العافك اقسملك بلاه
تدري اشبيه شبت بيه بس نار الويلاه
ظل خالي المحراب ..عينه اتظل علباب
_
ما اريد ابعيني اشوفن دار ابويه ابلايه نوره
يختنك صدري مناصيحن يا دهر خليني ازوره
الورد مات ابغيابه كله ياخذ من عطوره
اسئل عنه سيد الجنه هاي من اوصافه
هوه الشاري دين الباري شاله على اجتافه
الحاربهم ذاب .عينه اتظل علباب
_
كلبي من كثر المواجع اظلوعه جزعت يا حبيبي
راح اكلك كلمه وحده ليه ارجع يا طبيبي
ينتهي كلشي ابحظورك الدنيه جزعت من نحيبي
امسح دمعي ..اوشاهد وظعي ..يبجي علية اليل
الورده ابدونك.اي وعيونك ذبلت من الويل
حلمي اخلافك خاب ..عينه اتظل علباب
_