إعـــــــلان

تقليص
لا يوجد إعلان حتى الآن.

علي الاكبر عليهي السلام

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • علي الاكبر عليهي السلام

    يمه يوليدي رحت ..واني بغيابك طحت
    للكبر رتك الية ..اخ من الغاظريه ..خذت ابني
    _
    ييمه ما اكلك عله اليجري علينه
    حياره ابهل ارض يا وسفه ظلينه
    الطبر راسك ييمه صار حادينه
    على نوك الهزل سار الشمر بينه
    عيني ما شافت وسن ..يمه يلاكبر زمن
    امدلله ومشي سبيه ..اخ من الغاظريه ..خذت ابني
    _
    بقيت ابلا ولد وعيوني تجاره .
    كلب امك يغالي يلتهب ناره
    صفيت ابدنيتي يلوالي محتاره .
    تظل جثه رميه اشلون تتواره
    اليموت ابهل ارض ..دفنه يا عالم فرض
    واني عفته عللوطيه ..اخ من الغاظريه ..خذت ابني
    _
    شبجت العشره وصرخ يا ظوه وينك
    يرد ليه الامل لو انظر ابعينك
    نساني الله ييمه لون ناسينك
    تواعدني ياغالي اوما وفه دينك
    غيبتك طالت تره ..واني ابقه امرمره
    العمر نكظي سويه ..اخ من الغاظريه ..خذت ابني .
    _
    كلت ويه علي لازم يظل كلبي .
    شباب اوعل ترب مذبوح يا ربي
    بلايه امعين جنت اطويل يا دربي
    ابين المسافه ولدمع حربي
    الناكه حنت يلولد ..اتكلي ما يرجع بعد
    راح يم حامي الحميه ..اخ من الغاظريه ..خذت ابني
    _
    تعال اوياي يمه الدرب ما ذيني
    وحيده ابين عدوانك تخليني .
    الدهر ايام سوده هل يراويني
    اصد للروس يمه ما تحاجيني
    الهظيمه البلسبي ..نمشي ويه الاجنبي .
    يمه اذوها رقيه .اخ من الغاظريه ..خذت ابني
    _
    اشوفن علرمح راسك يصد لية .
    تكول امي حسافه اتروح مسبيه ..
    لون عندي يغالي من الولد ميه
    لجل دين الاله الروح مفديه
    موتي اسهل يا شهم ..خلي يوصلك علم .
    خطوتي اتعادل منيه ..اخ من الغاظريه ..خذت ابني
    _
    للشاعر حيدر محمد الكعبي
يعمل...
X