المساعد الشخصي الرقمي

مشاهدة النسخة كاملة : قصيدة بمناسبة وفاة الرسول ألأعظم



السيد هادي الحمّامي
11-11-2017, 09:39 PM
قصيدة بمناسبة وفاة الرسول ألأعظم
--------------------
محمد أنقذ ألأمّه من ألأوهام --- الـݘانت جاهليه وتعبد أصنام
بعده النبي ماغاب --- انـگلبت على الأعقاب
الـچانت جاهليه وتعبد اصنام
-------------------
گبلك إشـݘانت ألأمّه --- يارسول ألله اوفعلها
تعبد ألأصنام ݘانت --- وتزهق أرواح من اهلها
والفساد إستشره بيها --- وخيّم اعليها جهلها
إتربّت على سفك ألدمه
واعله النهب متعلِّمه
عافت الدرب الغانمه --- ومِشت بدروب التذلها
إعتنقت للشرك وفنون ألإجرام --- وهيّه السببت لليوم الآم
وئدت حتى ألأطفال --- وفعلت شر ألأفعال
الـچانت جاهليه وتعبد اصنام
------------------- 1
كلها تشهد لك ألأمّه --- إبصدقك وعدلك وحلمك
أشـگد ظروف البيك مرّت --- قاسيه وانته اعله عزمك
ماتهم إبكل فعلها --- والعداله بقت همّك
شتريد ياسيد الرسل
إتدليها عالحق والعدل
لنهج الرساله تمتثل --- ألباري من عدهم يعصمك
سهران الليالي وعينه متنام --- وكل همّه يهد كل فكر هدّام
بطريق الشرف يمشون --- صاحـوا هذا مجنون
الـچانت جاهليه وتعبد اصنام
------------------- 2




انظر التأريخ يكشف --- كل دنيئ وذاته طامع
يرفض أفكار ألسليمه --- ألكل خصال الكفر جامع
اشلون يقبل بالحقيقه --- وللنصح لتظنّه سامع
عن غيّه لالاما يرد
مجبول عالشر والحقد
مايسمع الصوت المجد --- يسمع الصوت المنافع
محمد سفّه إلها ذيـݘ الاحلام --- الماتقبل إبنهجه وهاي ألأحكام
تتبع حـݘي البهتان --- وترفظ حـݘي القرآن


الـچانت جاهليه وتعبد اصنام





------------------------ 3
عافت الأمر الرساله --- وطاعت الشيطان وامره
إنته حي وبيها تدري --- ابـݘم گلب خلّفت جمره
إشلون بالأمّه إبغيا بك --- إعليها تتكالب الزمره
إشكثر ويّها إتعبت
شيصير لو عنها غبت
شتسوّي اصحاب السبت --- الرايده إبدينك الغدره
إبشرْها إتحزِّمت للهدم بحزام --- مادام الصنم ويّاها مادام
نكثت كل الوعود --- إلصنمها ردّت اردود
الـچانت جاهليه وتعبد اصنام
---------------------4
من أرحلت يا أبو ألزهره --- إبأمّتك صار التخاذل
عافت الدين اووصيتك --- وتبعت الجائر ألباطل
والطمع ݘفّه عماها --- وغدت عالمنصب تقاتل
ألقرآن بعدك هجرته
ألحيدر وصيّك غدرته
أهل ألسقيفه الخذلته --- اوگامت إبغيها تخاتل
صارت تعتليها ألـݘانت أقزام --- تِحكّم سيفها برگاب ألآنام
و الناس ألعفيفه --- ذبحتها ألسقيفه
الـچانت جاهليه اوتعبد اصنام
--------------------- 5
ألهاجموا بيت الوديعه --- أحفادهم ردّوا علينه
رضِّعوهم حقد أعمه --- وعلّموهم عالضغينه
أتحزِّبوا ضد ألرساله --- أوضد علي وعترة نبينه
أخبث ألناس إتجمّعت
ألشيطان كلها بايعت
ألتهديم هالأمّه سعت --- والهبل ردّوا سنينه
صارت تنتهج تزوير ألأسلام --- بتكفير الشَرِع والساده ألاعلام
ألعادت داحي الباب --- هيّه ام ألإرهاب
الـچانت جاهليه اوتعبد اصنام
--------------------- 6
ألمصيبة
-------------
ريت حاضر يبو الزهره --- حال أهل بيتك تنظره
واليجي يحكم الأمّه --- يناصب يحارب ألعتره
بالذبح والسم وِلوهم --- وبضعتك أول الجمره
گومك يا لرسول إتنمِّرت
واعله الرساله إتآمرت
سمعت وصيتك وانكرت
غدرت إبيعت وصيَّك --- ألبايعت كلها ابحياتك
--------------------

السهلاني
11-11-2017, 10:19 PM
ابيات معبرة ومفردات رائعة ..

جعلها الله في ميزان اعمالكم ورزقنا واياكم شفاعة النبي وآله ..

Nooor alhaya
12-11-2017, 12:59 AM
قصيدة جميلة جدا