إعـــــــلان

تقليص
لا يوجد إعلان حتى الآن.

صوت العقيلة للحسين لوداع العليلة بقلم المرحوم خادم الحسين (ع) / باسم الحواسي

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • صوت العقيلة للحسين لوداع العليلة بقلم المرحوم خادم الحسين (ع) / باسم الحواسي

    صوت العقيلة للحسين لوداع العليلة
    بقلم المرحوم خادم الحسين (ع) / باسم الحواسي
    اتصيح لحسين العقيلة .... ودع الطفلة العليلة
    وأمسح أدموع الخدود .... خاف علته تزود
    تدري بالطفلة ذكية تعرف الشر لونزل .... حاجها خويه ابعناية وابتسم بسمة أمل
    لاتخليها حزينة ويستبد بيها الوجل ...... كلها سفرتنه كصيره ولابد انعود ابعجل
    نمشي عنه مو قليلة .... وهيه بنيتها نحيله
    لوبطينه ما نعود ........ خاف علتها تزود
    خفف الصدمه عليها لو سرى ضعن السفر. لوحده حادي ضعنه أيصيح خليه ابحذر
    خل يخف صوته عليها لاتموت امن القهر ...... طفله شيظل بكلبه وما تأمن بالدهر
    والظرف ماكو مثيله .....صارت الفرحه قتيله
    ما تصدك بالوعود ...... خاف علتها تزود
    ماتت الفرحه ابكلبها وانكتل بيها السرور ... من طلعنه ابليل عنها بالنظر كامت تدور
    كبل متعوده تشوفك انته وعمالك حضور .......كامت اتعد الليالي وتنذر الجيتك نذور
    كبل جان لها وسيله .... تجي العبد الله وتشيله
    ابغير اخوها ما تهود .........خاف علتها تزود
    وهيه متعوده تشيله ولوبجهه اتهز المهد ...وهيه هسه اتشوفه خالي منه عبد الله انفقد
    جيف تتحمل افراكه بهلسهولة وللابد ............. جان يمها يضحك ضحكته مثل الشهد
    حاله صعبه مستحيله ...والظعن طوح دلـله
    بالمحل ماظل وجود ...خاف علتها تزود
    خلت الدار الخليه ومابقى غير الاثر .............موحشه ابعين العليله وبيها الام وسهر
    تسهر ابكل الليالي تريد لو ريحة خبر........... مــــــا درت بحبابها اشسو القـــــــــدر
    طفله صدمتها ثجيله ....عايشه مثل الذليله
    والاهل بين الحشود... خاف علتها تزود
    تنتظر ماكو نتيجة وشيفيد الانتظار ..حتى من تكتب رساله اشلون توصل بالحصار
    تبقى ملهوفه عليهم تكتفي لو باعتذار ..................جمره مستعرة واطفر شرار
    صارت السفره طويله ..ومابقى بيديها حيله
    اشلون تكدر عالصمود .... خاف علتها تزود
    ......................................
    نبذه عن الشاعر
    المرحوم خادم الحسين (ع) الملا باسم بن الشيخ محمد الحاج ذياب الحواس الخفاجي . رجل مقعد (معوق من الطفولة ) لا يقرأ ولا يكتب , ويتلو القران الكريم وتعليمه الكتابة والقراءة موهبه اي لم يعلمه احد .. الفاتحة على روحه ..

    التعديل الأخير تم بواسطة مجاهد منعثر منشد; الساعة 23-04-2018, 12:46 AM.

  • #2

    أحسنتم أستاذنا الفاضل


    ادام الله فيض قلمكم ورحمَ الله شاعرنا وكل خدمة الحسين (عليه السلام) .


    تقديرنا لكم .



    وأجمـل منـك لم تـرَّ قـطُّ عيني وأحسن منـك لـم تلـد النسـاءُ

    خلقــــت مُبـرأ مــــن كــلّ عيبٍ كــأنـــكَ قـــد خُلقـــتَ كما تشـــاءُ

    تعليق

    يعمل...
    X