زنجيل... ميثاق الهلالي

[ضيف]

زنجيل أبوذيــــــــات (للعبـــاس)ع

النبي وصّه علي بعباس عبّاس

ابتشرنه وجه ابو سفيان عباس
فطر بطن السمه من نزل عباس
بنزلته وكسّر خشوم ال اميه

بنزلته وكسر خشم الكفر من صال
صل هذا اصيل انولد من صال
بالدم دفه عظم الدين من صال
وشعل بالدم فيافي الغاضريه

شعل بالدم فيافي الارض وسماه
هذا المرتضى بالشرف وسماه
عله راس الگنطره حطاه وسماه
سبع الگنطره ورد المنيه

سبع الگنطره المهيوب ماهاب
موهوب الگمر چی گمر ماهاب
من هب الهوه وياه ماهاب
وگف حته الهوه بالغاضريه

وگف حته الهوه والجيش صف صف
وطرگهم طرگة السرحان صف صف
شته هذا يصيح وذاك صف صف
زلم مطرت سماهه عله الوطيه

زلم مطرت سماهه وساف من ساف
وبنه للدين بالدم ساف من ساف
تره العباس شايل سيف من ساف
عدا الفقار ماموجود اخيه

عدا الفقار سيفه مايمنه
الكون بكبره من هد مايمنه
اجه مناك صاحو مايمنه
اجه منا نثرهم واهليه

اجه منا نثرهم سوگ من ساگ
سگه ساگي المنايا الموت من ساگ
التفت ماتميز ساگ من ساگ
صور بكربله دگ لال اميه

صور بكربله والدين بيناه
بصوته وعاش طول الدهر بيناه
لهسه اللاگته من الوجه بيناه
بخد كل نذل طابع راشديه

[ضيف]

فاتني ان اقول ان هذا الزنجيل هو للأخ الزميل الشاعر ميثاق الهلالي
وفقه الله لكل خير

[ابن الاهوار]

اشكرك اخي لنقلك هذه الكلمات الرائعة للشاعر ميثاق الهلالي بن الناصرية البار تحياتي لكم



الدهر شتت شملنه بالضعينة
دليلي سيوف امية بالضعينة
يوسفة الشمر يحدي بالضعينة
وابو فاضل على الغبر رمية


جابر الكاظمي

[حسون العراقي]

ما اروع من هذا الكلمات الجميله
وعلى من
وما اجمل هذا الاسم هوه .. العباس ..
سلام الله على الامام العباس
حامل لواء الحسين
وساقي عطاشا كربلاء
وكفيل الحوراء

بوركت اخي الكريم
وفقك الله لكل خير
تحياتي لك

[ضيف]

الاحبة الكرام والاخوة ابن الاهوار وحسون العراقي
الشكر لإضائتكم الجميلة
بارك الله بكم
دعائي

[من نسل عبيدك احسبني ياحسين]

دخيل أسم بطل العلقمي وفقك ربي دنيا وأخره بحق بطل العلقمي