إعـــــــلان

تقليص
لا يوجد إعلان حتى الآن.

وين ضعنج يالعقيله ع , نزله ( قصائد محرم )

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • وين ضعنج يالعقيله ع , نزله ( قصائد محرم )

    وين ضعنج يالعقيله من جفيله

    ــــــــــــــــــــــــــــــــــــــــــــــــــ ــــــــــ

    وين راح ابن الامامه ووين شييال العلم ... صدك ضل عالغبره دامي ونايم بعينه السهم


    هذه ابو الاكبر تكنطر ضامي كل حيله انهدم ... ومثل ضلع الزهره صدره بخيل ابن هند انهشم


    صدك راحو كل هلي ... كوم واحضر يا علي


    وين ضعنج يالعقيله من جفيله


    زينب تصيح وتنادي بصايتك يابا الفضل ... ماكو غيرك يبن ابوي وضخري كد ثكل الحمل


    بسيفك وراية يمينك كل صعب يصبح سهل ... ما اضن ترضه بضماه ولوعته يلوج الطفل


    صول يا خير البره ... صول يابن حيدره


    وين ضعنج يالعقيله من جفيله


    تحششدت كل ال اميه ولاحت رماح الحرب ... دارو على اهل الحمييه وسددو عليهه الدرب


    ساعه والاكبر يطيح ودممه ينزف عالترب ... والحرم تصبح سبايا وتكصد ديار الغرب


    يحدو بيهه حرملا ... الله اكبر يا ملا


    وين ضعنج يالعقيله من جفيله


    طاحت رجال وفحول وسيف الاكبر ضل صلب ... وصارت الروس على دربه بدم نحرهه وتنخضب


    صاح انه ابن الدك رحاهه وناوي اسلبكم سلب ... اكطع ركاب النفاق وكلمن لهند انتسب



    منهو يوصل للخيم ... وانه ابن فاني الصنم


    وين ضعنج يالعقيله من جفيله


    غربه وجيوش وعطاشى تصيح يحسين الضمه ... والهواشم عالوطيه مخضضبه وتنزف دمه


    وعالطفل من حرملاهم نببل القوس ورمه ... لعنة الله على الضليمه صاحت املاك السمه


    لعنة الله على الكفر ... ذبحو اليممه الطهر


    وين ضعنج يالعقيله من جفيله


    سهم المثلث تمادى وخضضب حسين الطهر ... والشمر مجبل يحزز بسيفه ابن خير البشر


    داروا على ابن الزجيه اهل المجايد والغدر ... ودمعة الحره العقيله جالجمر من تنهمر


    وداعت الله نادته ... يعلم الله بحالته


    وين ضعنج يالعقيله من جفيله

    رحيم الحسناوي

  • #2
    بارك الله فيك اخي رحيم الحسناوي وجزاك الله خيرا ووفقك ورعاك لما كتبتة من كلمات رائعة وجميلة جدا لما تحملة من معاني وقصة تطفوا فوق رمضاء كربلاء وعلى ساحة الطف الحزينة...شكرا لك اخي على تميزك.

    تعليق

    يعمل...
    X