بيوم ميلاده , لمولد سيدي ومولاي الرضا ع

[ضيف]

شهدي يا دنيه احنه ذوله الرافضه ... جينه كلنه نهني حيدر بالرضا

فرحة اعياده ... بيوم ميلاده

جينه كلنه نهني حيدر بالرضا

ــــــــــــــــــــــــــــــــــــــــــــــــــ ـــــــــــــــــــــــــ


نهني حيدر والزجيه بمولده ... ونفكس عيون النواصب والعده

روحي لك يالوالي منذوره وفده ... باسمك الكون اعتله وبيك ابتده

والفرح زاده ... بيوم ميلاده

جينه كلنه نهني حيدر بالرضا

ياشمع ضووه الدرب للمؤمنين ... نبكه لك يبن الاكابر تابعين

بمولدك كل الاطايب حاضرين ... بكل فخر نصرخ لاميه رافضين

وكلمن اتماده ... بيوم ميلاده

جينه كلنه نهني حيدر بالرضا

يا شفيع الامه يافخر الاباة ... بغير اسم حيدر فلا تسوه الحياة

درب ابو الاكبر قسم درب النجاة ... والزجيه اصل التعببد والصلاة

والعرش ناده ... بيوم ميلاده

جينه كلنه نهني حيدر بالرضا

نور ابو محمد شمس يوم الورود ... رايه تحمينه ورمز لاهل الصمود

يمته شبلك يالرضا يجود ويعود ... وينشر لواه ويبيد اهل الصدود

وخصمه يتراده ... بيوم ميلاده

جينه كلنه نهني حيدر بالرضا


حيدري وثابت موالي وجالجبال ... واترك حسين وعلي الاكبر محال

حبهم يضل جالنبع ويدر زلال ... يا خيال ؟ اهل الكرم فوك الخيال

محلا اوراده ... بيوم ميلاده

جينه كلنه نهني حيدر بالرضا

جينه كلنه نهني حيدر بالرضا

رحيم الحسناوي

[عاشقة زينب ع]

اللهم صلِّ على محمد وآل محمد

احسنتم طابت انفاسكم العطره الولائية

قصيدة جميلة وعبارات موفقة

جزيتم خيرا

</b></i>
</b></i>

[رحلة وفاء]

نور ابو محمد شمس يوم الورود ... رايه تحمينه ورمز لاهل الصمود

يمته شبلك يالرضا يجود ويعود ... وينشر لواه ويبيد اهل الصدود

متباركين

[ضيف]

اخي الفاضل الكريم رحيم الحسناوي
بارك الله بك .. نص جميل بحق الانوار من أهل البيت (ع)
التقدير والدعاء لكم