إعـــــــلان

تقليص
لا يوجد إعلان حتى الآن.

البرنامج الكامل لليوم الثــــــــاني من محرم (للرواديد)

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • البرنامج الكامل لليوم الثــــــــاني من محرم (للرواديد)

    بسم الله الرحمن الرحيم

    اللهم صل على محمد وعلى ال بيت محمد الطيبين الطاهرين

    اللهم وصل وسلم وبارك على الصديقة الطاهرة المضلومة فاطمة الزهراء البتول

    اللهم وعجل لمولانا صاحب العصر والزمان الفرج وانصره واهلك اعدائه من الاولين

    والااخرين انك سميع مجيب الدعاء

    البرنامج الكامل لليوم الثــــــاني من محرم
    ــــــــــــــــــــــــــــــــــــــــــــــــــ ـــــــــــــــــ

    ابوذيات نعي
    ــــــــــــــــــــــــــــ

    روحي الضيم والغم عاده لاهه

    وصفت شوغات همكم عاده لاهه

    الهضم بجفوف حزنه عاده لاهه

    ويعدلي ايام ضلت عالمنيه



    هلي الحددر ضعنهم من يردهم

    القلب يسعر لهيبه من يردهم

    خطاب من العليله من يرد هم

    تحن كلوبهم هلبت عليه



    لطمية , ثكيل
    ـــــــــــــــــــــــــــــــــــــ

    ياليتتمتني .... المن عفتني

    دلالي والروح وياك .... ما ينحمل مر فركاك

    المن عفتني ... المن عفتني

    ـــــــــــــــ

    ضليت بعدك للمدامع ضليت ... واتسلى بالهم يامن بعيد مشيت

    يابيت بعدك روحي تجهب يا بيت ... ترحون لديار الغرب ما ضنيت

    وتنوح روحي وترجاك ... ما ينحمل مر فركاك

    المن عفتني ... المن عفتني

    يا حسرة فراك الاهل ما تنقاس ... هيبه الاهل يبكون تاج ونوماس

    راحو هلي وحدداي بيهم عباس ... وبيهم يضل مرفوع للدوم الراس

    بنتك يضيغم تنعاك ... ما ينحمل مر فركاك

    بالضيم بعدك يابو الاكبر حالي ... ومشدوه بفراك الاطايب بالي

    خيمه وضخر يابا الحياده وجالي ... وانته السند والجود وانته الوالي

    بحماك يالحر بحماك ... ما ينحمل مر فركاك

    قلبي على فكد اهل الامامه موججر ... والروح من غررب ضعنهم تسعر

    تكدر تردلي اليوم لا تتعذذر ... ماعيش بويه بلا هواكم مكدر

    شمات صارتلي عداك ... ما ينحمل مر فركاك

    بالروح تلهب يابو الاصغر نارين ... ودموع من دم سالت بجفن العين

    عفتوني بويه لوين تردون لوين ... ويياك اخذني ويه الاطايب يحسين

    ضليت اناطر ملكاك ... ما ينحمل مر فركاك

    المن عفتني ... المن عفتني







    لطمية , ثكيل
    ــــــــــــــــ

    ياذينه ياذينه ... مصابك يا والينه

    ويه علوم اهلك روحي تنوح ... مسلم بالكوفه ومذبوح

    جمره الحزن بينه
    ـــــــــــــــــــــــ

    يادنيه الج ثار وطلب ويه حسين ... وبعيال ابو الاكبر توففين الدين

    وين القلع روس الكفر عننه ووين ... كوثر محمد خل تصد هضم البين

    فكدة ولد الزهره تلوح ... ومسلم بالكوفه ومذبوح

    جمره الحزن بينه

    مسلم رموه من الكصر بالكوفه ... وحسين ابو اليممه المنايا تحوفه

    سيوف الكفر هيهات حدهه يعوفه ... وعباس شد راس العلم بجفوفه

    ينشد لحسين افدي الروح ... ومسلم بالكوفه ومذبوح


    دارت زلمهه بكربلا على الوليان ... واطفال تصرخ للفجيعه ورضعان

    لو حاضر الكرار ما جان الجان ... ولا تبكه زينب لا جفيل وخووان

    ولا للشام بعبره تروح ... ومسلم بالكوفه ومذبوح

    بنتك يمسلم بس تهل دمع العين ... رحت وعفتني تصيح يا بويه لوين

    باجين للهم من بعدكم باجين ... ودارت علينه احزان بعدك صوبين

    وصار القلب مملي جروح ... ومسلم بالكوفه ومذبوح

    ما ينوصف هم الغريب وحاله ... صارت على اعتاب الشتات عياله

    زود البطل عباس بس يبراله ... وزينب رهينة زود سيفه وجاله

    والهم فوك الهم مطروح ... ومسلم بالكوفه ومذبوح

    حزن الهواشم بيك يالحر يسعر ... وبيا ذنب مجتوفه اديك وتنجر

    بعد الجتل رادوك جسم مبتتر ... بس اليصيب حسين مننك اكثر

    نهر ودم نحره ومسفوح ... ومسلم بالكوفه ومذبوح

    جمره الحزن بينه




    نزله
    ــــــــ

    صول اخذ مسلم يبو الحك ثاره ... تلهب بقلب الهواشم ناره
    ــــــــــــــــــــــــــــــــــــــــــــــــــ ـــــــــــــــــــــــــــــــــــــــ

    صول يا راية علينه وحيدره ... صول واحضر من يلوج بمنحره

    هامته بسيف الاعادي مطببره ... ونشرت اهل الكوفه كل اخباره

    دارت حشود وكتايب عالطهر ... مسلم اببين الكفر واهل الغدر

    ياهو ينغر للامام وينتصر ... ويهدم استار الحقد واسواره

    يا غريب الكوفه يا صوت النصر ... وسفه نحرك بالسيوف وينطبر

    روحي الك يبن الاطايب تنعصر ... والقلب لاجلك تشب كل ناره

    مابكه من اهلك يمبعد كل صبر ... شنهي من حز ركبتك مننه العذر

    ياهوى البعدك يطيب ويا عمر ... ويا محبب اليهوى بعدك داره

    طاحت ارواح الحياده بطيحتك ... يا شمس تضوي على كومك طلعتك

    تانتك بنتك تناطر شوفتك ... ولقلبهه انته العطر وازهاره

    رحيم الحسناوي
يعمل...
X