إعـــــــلان

تقليص
لا يوجد إعلان حتى الآن.

البرنامج الكامل لليوم الثـــــــــــــالث من محرم (للرواديد)

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • البرنامج الكامل لليوم الثـــــــــــــالث من محرم (للرواديد)

    بسم الله الرحمن الرحيم

    اللهم صل على محمد وعلى ال بيت محمد الطيبين الطاهرين

    البرنامج الكامل لليوم الثــــــالث من محرم
    ــــــــــــــــــــــــــــــــــــــــــــــــــ ــــــــــــــــــــــــ

    نعي
    ـــــــــــــ

    يامن وصلت لكربلا كوم اعدل الميل

    اخبار الك من مرسل الحك تهدم الحيل

    حزني جزه حدود الهضايم والدمع سيل

    مجتول مسلم بالغرب خبرو عياله

    فوك الشماته ووحدته محد بجاله

    ما يكدر يلم الحصل عكلي وخياله

    بالسيف كطعو منحره والجسد مطروح

    لاعايله الحضرت مصابه ويمه وتنوح

    ضل عالوطيه وما كطع دم نحره مسفوح

    وما شهدن عيونه اليتامه وصولة الخيل


    مسلمكم تعرفه الناس يهله

    يصد ماضن بعد هاليوم يهله

    انصبوله العزيه اليوم يهله

    وجذبو الاه والونه الخفيه


    ابوي الراح واعدني يردلي

    شعجب بس الخبر مننه يردلي

    المصايب دهري والحيره يردلي

    واميه تريد تاخذني سبيه


    لطمية , ثكيل
    ــــــــــــــــــــــــــــــــ

    وين النذر لابن الزجيه جفوفه ... مسلم ولوه اهل الغدر بالكوفه

    قلبه على كومه توججر ... ومننه الجدم يتعثثر

    مسلم ولوه اهل الغدر بالكوفه
    ــــــــــــــــــــــــــــــــــــــــــــــــــ ــــــ

    مسلم على اهله بكربلا تصد عينه ... ياهو اليحضره بشددته ويعينه

    اهل المجايد والحقد والينه ... وكيود بيهه بلا رحم ماذينه

    يردون بيه للمنحر ... ومننه الجدم يتعثثر

    مسلم ولوه اهل الغدر بالكوفه

    يا حال يالتنشد يحزنك حاله ... اجناب وحشود الكفر تبراله

    ضلت حميده تنوح بين عياله ... وحسين هل دمع المصيبه وساله

    هظم النوايب وججر ... ومننه الجدم يتعثثر

    ماهان يا مسلم علينه مصابك ... ون قلبي وي نوح الطهر واحبابك

    يامن سرايا الكون كلهه تهابك ... واهل المكارم تطلب من اعتابك

    للكلفه ما يتعذذر ... ومننه الجدم يتعثثر

    بعد المسافه وغربتك والحيره ... يصعب يمولاي الحصل تصويره

    بالشدده مسلم يا نصير يجيره ... عننك عضيدك وين واهل الغيره

    بقلبي الحزن يتكسسر ... ومننه الجدم يتعثثر

    جم ااه توجر بالمدامع والروح ... وجروح لاجلك ما حصل منهه جروح

    دممك على تراب النوايب مسفوح ... والروح تنعى بحسره حالك وتنوح

    جروحي لمصابك تكبر ... ومننه الجدم يتعثثر

    مسلم ولوه اهل الغدر بالكوفه



    نزله
    ــــــــــ

    نشرت الكوم الخبر بالكوفه ... مسلم سيوف المنايا تحوفه

    ــــــــــــــــــــــــــــــــــــــــــــــــــ ــــــــــــــــــــــــــــــــــــــ

    صادك الوصصل يبو سكينه الخبر

    دامي مسلم والنحر مننه انطبر

    كوطر رباة الضفر واصل الفخر

    بيا شرع دم الامام نعوفه

    زوده زودك يا حسين ورايته

    تعله باسمك والشهامه بصولته

    تفجع ابن اهل المكارم موتته

    خل تحضره اهل الشيم وتشوفه

    استوحدوه اهل الضغينه والحقد

    وفاتته سيوف الهواشم بالبعد

    وسفه يامسلم بعد ماضن ترد

    غررب اسمك يالطهر وحروفه

    ننعى مسلم لاجله واندك الصدر

    ونلعن اسلاف النواصب والكفر

    ما سلم مسلمنه من جمع الغدر

    جيش ابن هند الدعي وصفوفه

    نبكه وففايه لعلي ونندب حسين

    ونفتدي بدمنه الهواشم والضنين

    دككت بجبد السما اجراس ورنين

    للحياده البالفخر معروفه




    نزله
    ـــــــــــــــ


    يم البنين اولاد الج رفعة راس ... شدهم على الكلفات بيده العباس

    ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ

    شددو على اعتاب المنايا بزودين

    واحد علي الكرار والثاني حسين

    بالروح صاحوا نفدي زينب والعين

    وتروح فدوه لعين ابو اليممه انفاس

    عباس هز راس العلم لاخوانه

    ذككرهم بحيدر علي وديوانه

    خير الملا وجود وفخر عنوانه

    هوه اليقين ويبكه لاهل الحك ساس

    داسو زلم حيدر علي على العدوان

    نيران صارت تلهب على الميدان

    خووان ابو الغيره ونعم من خووان

    صوله وتفاني وللمكارم نوماس

    ثايات دككو بالحرب مو ثايه

    وبجيش اميه ما بكت كل رايه

    صاحو نعين اليوم روح الاايه

    هذه الحسين الما يطخ يوم الراس

    يم البنين وخلي راسج عالي

    ما هادت كلوب الزلم للتالي

    نزفت دماهم للوحيد الوالي

    اصل العقيده وللشجاعه المقياس

    رحيم الحسناوي

  • #2
    اللهم صل على محمد وآل محمد

    جزاك الله خيراً ووفقك لما يُحبهُ ويرضـــاه


    اختكم
    قـــــــــــــــــــــال أمير المؤمنين علي (عليه السلام)

    دواء القلـــــــــــــــــــــــــــــب الرضـــــــــــــــــــــــــــــــا بالقضـــــــــــــــــــــــــــــــــــــاء

    تعليق

    يعمل...
    X