تويت
أنه اخـتـك واجيـتــك يـــابـعـد روحي
اجـيت ابحـسـرتي وبــونـتي او نوحي
صحت بعدك ابد ما تــضمـد اجروحي
تنزف تبقه ليوم المحشر,,,او كـسـر الخاطر ما يتجبر
******
شيـضـمد الجـرح شــيـجــبــر الخاطر
ومثل صبري الصبرته ماحصل صابر
الصخر بالطف تــصدع لـيـلة الـعاشـر
اتـصـدع من كـثرة وناتي,,,وظل يبچي ويجمع لوعاتي
******
ظل يبچي الصخر لجلي ويهل ادمـوع
واتـفسـر ويـصرخ صرخة الـمـفـجـوع
شاهد دمعتي وظل يـنـتـحـب ويــلــوع
وچن اسمع ناده ابصرخاته,,,گــلـبچ ما تـهـجـع ونــاته
******
شيـسـكـن ونـيـنه اللي فــگــدله ابـدور
او يشوف اجسادهم فوگ الترب وتنور
بطل مگطوعه چفينه او بطل مـنـحور
واحد منهم صابو عـيـنه,,,او واحد متصوب بـجـبـيـنـه
******
وبعـد يامحـنه اشـرح يامـصاب اتـريـد
كل محنه التمر من عدها حيلي ايـبـيـد
ومن طاح الگمر وحسين ظل اوحـيـد
سهم الصوب چبده اذاني,,,وزيدلي اهمومي واحزاني
******
واتـصـوب دليـلي ابــطـيـحة الاكـبـر
ولــجـاسم انـوح اوگـــــلـبي يـتـوجـر
يريت المرتضى لطف كربله يـحـظـر
ويشاهد بـعـيـونه الـحاله,,,ويـشـوف اشصايـر بعـياله
******
ويم حيـدر علي اشكي هـظـم بـلواي
عـبـد الله تــروه ابـنـبـله دون الـماي
ست اشهـور عمره انـذبح يا رجواي
اشذنبه وهالگوم ايذبحونه,,,ومن عذب الماي ايحرمونه
******
وبعد عندي مصيبه ايشيب منها الراس
مـسـبـيـه اطـلعـت وبـولـيـة الارجاس
لا يــمي ابــو الــيــمــه ولا عــبــاس
من ابچي ايضربون امتوني,,,ولو اندب حيدر شتـموني
******
او صحت ابصوت وينك ياگمر ياحيـد
يالـمعـروف وكـت الحرب يا صـنـديـد
اريدك تحظر الصولات ابـوك اتـعـيـد
وترجع اچفـوفـك لـزنـودك,,,وتحظر وتخلصنه ابزودك
******
يخويه احنه انهظمنه ونولينه,,,او صحنه ابصوت عالي ون ولينه
من نومتـك انهض ونوي ليـنه,,,وخـلـصنـه يخويــه امن ال امــيـه
******
خادم اهل البيت عليهم السلام
الشاعر
سيد علي الجابري الجنوبي
تعليق