إعـــــــلان

تقليص
لا يوجد إعلان حتى الآن.

عودة العقيله

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • عودة العقيله

    (( عودة العقيله ))


    أجيت من اليسريحسين تدريني ... جبت وياي راسك يانظرعيني
    وجبت راسه الكفيلي ... يخويه انهدم حيلي
    جبت وياي راسك يانظرعيني
    ************
    رجعت الكربـله والراس ويـّـــــاي ... أدوّر خــويه كَبرك
    أطيح وأنهض وضيعت ممشـــــاي ... ياأبن أمي وأدورك
    أريد أشـــكيلك أعله الجره بدنيـاي ... وهيّج خويه جمرك
    يســـــيره والظعن من غير حماي ... أجيت بهمي أخبرك
    بالأهات كَلبي ينـدب الحسـره ... وبهالحال دلالي نفذ صبره
    محتاره بعليلي ... يخويه أنهدم حيلي
    جبت وياي راسك يانظرعيني
    ************
    عفتك عالتُـرب يحســـــين مذبـوح ... متوســـــــد الغبــره
    راســـك عالرُمح مرفوع ألي يلوح ... وبهـامتـــك طبـــره
    مذهول الفكر والنظـر مشـــــــبوح ... كســري من يجُبره
    أنوح أعليـك عيني تهل دمه الموح ... ماظن جرحي يُبره
    عُكَب ماداسته الخياله جدّامي ... وبنارالحقد شبوها لخيامي
    أصيحن آه يولي ... يخويه أنهدم حيلي
    جبت وياي راسك يانظرعيني
    ************
    أنه الصوب الشــريعه حمَلت الأحزان ... أنـدب ياكفيـــلي
    وكَفت أعله النهر وبصوتي الأشــجان ... يشــكيلك دليــلي
    عله مصــــابك تفجـر دمعي بــُــركان ... يشهد عليّ ليـلي
    عفتني لليســــر تحـديني عـــــدوان ... صفواهمه دليـلي
    ضرب سْياطهم لمتوني ألمها ... يخويــه وتشـتكي ألمن بعد همها
    بعد طيحت خليلي ... يخويه أنهدم حيلي
    جبت وياي راسك يانظرعيني
    ************
    يحســـين أرد أخبـرك بالجـره وصار ... يوم اللي ســبونه
    أحــركَوا يصيـح بيت الظُلم بالنـــــار ... أبـــداً مارعـونـه
    علينــا الكَوم هجمت چنهـا أعصــار ... يخويه وســــلبونه
    واطفالي صُفت يحســـــين طشــــار ... تصرخ وين أبونه
    حرت ياأبن الصميده بشدة أعيالي ... غريبه صفيت لاحامي ولاوالي
    ثكَل نوحي وعويلي ... يخويه أنهدم حيلي
    جبت وياي راسك يانظرعيني
    ************
    وبســاعة هضم طفله بيتــــاماك ... مفكَـوده من العيـــــال
    طلعت أبليل أظلم خويــه وأنخـاك ... تحضر ليــه بالحـال
    ســـمعت أونين يمك يحجي وياك ... ضاعت بـويه الأمال
    سـيف الي ثـكلني وفيض أدماك ... عسنه بنحري هم جال
    يريت أعداك داست خيلها أبصدري ... كَبل نحرك يريت أسيوفه بنحري
    خلص صبره الدليلي ... يخويه أنهدم حيلي
    جبت وياي راسك يانظرعيني
    ************
    تمنيتـك يخويــه وياي بالشـــــام ... وتشـــــــــــاهد الحاله
    صرت فرجه لخواص الناس والعام ... وحگ رب الجلاله
    أصيح أبصوت ياهالناس أنضـام ... وانه بنت الرســـــاله
    برحيل حسـين شـلت الهم والآلام ... من أهـل الظـــــلاله
    غريبه وباليسرمحتاره بضعوني ... وأخوتي بكربله طاحوا وخلوني
    يريته أيطول ليلي ... يخويه أنهدم حيلي
    جبت وياي راسك يانظرعيني
    ************
    بقلم / سـعد مطلوب الخفاجي
    أنه أبدرب الولايه ... أمير أوبيدي رايه

  • #2
    الشاعر المبدع
    والاخر الكريم سعد مطلوب الخفاجي
    هكذا يمكن لنا ان نتصور الواقعة أن نتصور ما بعدها
    وما حلَّ على أهل بيت النبوة عليهم السلام
    من خلال ما يراه الشاعر، وما يصل به إلينا من إحساس مختلف
    بورك قلمك يا صديقي
    دعائي الدائم لك

    تعليق


    • #3
      بسم الله الرحمن الرحيم
      اللهم صلّ على محمد وآل محمد وعجل فرجهم والعن عدوهم
      السلام عليك يامولاي يا أبا عبدالله ورحمة الله وبركاته
      السلام عليك يا مولاي يا أبا الفضل العباس ورحمة الله وبركاته
      ما بين الشكوى و الذكرى يتجدد الحزن والمصاب
      كلمات شجية ومؤلمة تدمي الفؤاد و تدمع العيون
      بارك الله فيك أخي وأثابك الله
      في ميزان أعمالك
      طالبة الرضا والشفاعة
      يتيمتكم بالحسين اهتديت
      وفي أمان الله

      تعليق


      • #4
        الاخ الكريم
        العتابي
        عزيزي الغالي شرفني مرورك الرائع واطرائك المبارك
        الذي نورني بنوركم الولائي خالص شكري وامتناني
        تمنياتي لكم بالموفقيه .
        أنه أبدرب الولايه ... أمير أوبيدي رايه

        تعليق


        • #5
          بالحسين اهتديت
          الله يبارك فيكم على هذا المرور المبارك خالص شكري
          وامتناني لاطرائكم الرائع تمنياتي لكم بالموفقيه .
          أنه أبدرب الولايه ... أمير أوبيدي رايه

          تعليق


          • #6
            سعد مطلوب احسنت بارك الله فيك حبيبي
            الله يجازيك على كل حرف قصر في الجنه
            مبارك لك ما تخطه اناملك ازادك الله من النعيم
            تحياتي لك اخوكم الصغير
            الشاعر
            سيد علي الجابري الجنوبي
            sigpic
            حالي شلون بــعدك صار مالم,,ودليلي غير لوعه وحزن مالم
            يبو السجاد اذا فد يــــوم مالم,,اشـــوفك تــظلم الــدنيا عليه

            تعليق


            • #7
              الاخ الغالي
              الشاعر سيد علي الجابري
              حبيبي الغالي خالص شكري وامتناني على هذهِ الكلمات الرائعه والمباركه نورتني بنورك الولائي تمنياتي لك بالموفقيه مولاي العزيز .
              أنه أبدرب الولايه ... أمير أوبيدي رايه

              تعليق

              يعمل...
              X