رقيه أعلى النحر نادة يبويه حسين
رقيه أعلى النحر نادة يبويه حسين -- يوصفولي الصبر ومنين أجيبه منين
شلون اصبر يبو الأكبر ---------------- وانته مخضب المنحر
إذا اصبر شصبر يا دمع يا عين
يوم البيه طحت يا بويه عالغبره--- صرت بعدك يتيمه مصاحبه العبره
وتعودت الصبر وتجرعت مره ------------ وبعدك يم يزيد مأسره بقصره
----------
ومن خوفي بأيدي أتستر ------------------------- انضرراسك واتحسر
يتمني الدهر بويه ولواني البين
يا دهري اعلى هون بقسوتك وياي ------- يتيمه بلا اهل تيه دليلي الراي
ارحم عبرتي وخليني اون بهداي -------- مني الحيل راكَد يا دهر ببجاي
--------
اصب دمعي اعلى نحره ------------------------------ ابوي وارداخبر
واخبره انطي الوجه من بعده لاوين
أبوي الكَبل يرعاني ويسر حالي--------- اصبح لا جسد بس راس يبرالي
ويعمه بنومتي الوالد تراوالي -------- خلاني اعلى صدره ورجع حسبالي
---------
دعاني ومن رحت يمه -------------------------- ضمني الصدره ياعمه
وكَتله اعلى السفر وياك اخذني الحين
تراويني الحزن نفسي واراويها ---------- وتناغيني بألمها وآنه اناغيها
أسا قي من الدمع روحي وأواسيها ------- وأكابر من ألم هضمي وأسليها
---------
شلون اصبر وأجرع همي ------------------------- يا بويه وراسك يمي
بطشت حقد الشماته يناضرالطاغين
رقيه آنه الجنت وياي تتبسم --------- صرت بعدك اشاكَف سطرت المجرم
واشاهد والحزن مثل الغيوم التم ------ راسك بالطشت والطاغي بيه يشتم
-------
ومن شتم زينب عمتي ----------------------------- زادت آلآميوعلتي
ومنيتي اعلى النحر صارت يبويه حسين
=======================================
أبو حسن الحسيني
تعليق