إعـــــــلان

تقليص
لا يوجد إعلان حتى الآن.

حلم مذبوح

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • حلم مذبوح



    حلم مذبوح



    على عيونج يزينب حلم مذبوح كل عينج دمع بس ما بجيتي
    بچيتي جروح طهرتي المســـافات كل خطوة يسر منبر بنيتـــي
    يا هيبة علي دخلت على يـــــــزيد خورزتي الزلم و اتسيديتـــي
    نظرات الزعل بعيونج ســــــيوف ذو الفقار صوتج من حجيتي
    سفينة هم سريتي ببحر الدمـــــوع على ساحل مصايبهن رسيتي
    اسمحيلي يزيـــنب اســـأل الـــــيوم انتي هـــواي من اتحمليــــتي
    لأن مجـــبور اسألــــچ عــاليأذيـــچ و ادري بيا مكان اتألميتـــــي
    اسألــــچ يالغريـــبة و چلـــچل الليل و حارس للحرم انتي إلبقيــتي
    اشوفچ چان بيدچ معصب يلــــــوح احلفچ بالضلع إلمن نخيتــــــي
    نخــــيت إلكالـــفــچ مقطـوع الزنود معذورة لأن وحدچ صفيتـــــي
    مشيتي بغير طولچ خاف ينشـــــاف ضم روحه النهر لمن مشيتـــي
    كل جـــــرة نفس ويـــاها عــــــباس لاچن من وصلتي له اشلقيتـــي
    غمضها السهم وحدة من العــــــيون بس الثانية اتشوفچ اجيتــــــــي
    صفت انتي وكفيلـــــچ محد ويـــاچ مسموح العتب لو عاتبيتـــــي
    شقلتي له يزيـــنب قوم ويــــــــــاي وياه جلمة عتب بيها ابتديتــي
    اشقلتين له يزينب وين الوعــــــــود مو انت إلقت قومي بحميتـــي
    عمود البيت انت الشايل البيــــــــت تدري من يطيح يصيح بيتـــي

    شقلتي له يزينب قوم ويـــــــــــــاي من شفتي الزنود اتعذريتـــــــــي
    صحتي بشاربك آنه يعبـــــــــــــاس ما رف شاربه من حشميتـــــــــي
    راويتي يزنب زرقة المتـــــــــــــون لو لا بسهم عينه التهيتـــــــــــــي
    لو مديتي ايـــــــدج تلـــــزم الايـــــد من شفتي الزنود اتعذريتــــــــــي
    قلتيله الخدر يا ابــــا الفضـــــــــــــل راح حرقوا خيمتي و طبوا ثنيتي
    قلتي له صحت وينك يعبـــــــــــــاس يضحك شامتج و اتسلبيتــــــــــي
    كل هذا الحچي ما ينهض ويـــــــــاچ قمتي بيا جرح من أيسيتــــــــــي
    على طولج جرح لمن تقومــــــــــــي مثل حسين من قمتي انحنيتـــــي
    رجعتي إلمن رجعتي بس الايتـــــــام يسألونج يعمة شو بطيتـــــــــــي
    اعرفج بت علي قد هاي الاحــــزان مثل عباس يا زينب وفيــــــــــتي
    نعم فوق الهزل و الرووس ويــــــاج نعم عقب الخدر ذاك انسبيتــــــي
    بس الكل تشوفج اسد مجـــــــــــروح كلها اتميل عنج لو مشيتـــــــــــي
    اعذريني يزينب لا تزعلين و آنه بدمعتي اتبين هويتي


    :: للشاعر السيد عبد الخالق المحنة ::
    اللهم صل على محمد وآل محمد وعجل فرجهم

  • #2


    تقبلي مروري

    تعليق


    • #3
      شكرا جزيلا على نقل هذه القصيدة الرائعة

      تعليق


      • #4
        الله الله اموووووووووووووووت على هذي القصيدة
        سلام الله على مولاتي الحوراء زينب
        و قرآها الحاج باسم الكربلائي في اصداره الجديد (( اقول اسمك ))
        للتحميل

        حلم مذبوح - باسم الكربلائي

        شكراً عطووووووووووورة ..
        آسفة على التطفل =)

        تعليق


        • #5
          شكرا جزيلا لك اختي العزيزة وللشاعر
          اللهم صل على محمد وال محمد​

          تعليق


          • #6
            شكرا لمروركم جميعاً

            وتسلمين أختي شموسة على الرابط

            ولاتطفل ولاشي

            بالعكس

            عاشت ايديچ
            اللهم صل على محمد وآل محمد وعجل فرجهم

            تعليق


            • #7
              اللهم صل على محمد وآل محمد

              قصيده أكثر من رائعه ...ادمت عيني وافجعت فؤادي

              جزى الله كاتبها وقارئها خيرا وحشرهم مع محمد وآل محمد

              كل الشكر لكِ غاليتي عطر الكفيل

              اختك
              قـــــــــــــــــــــال أمير المؤمنين علي (عليه السلام)

              دواء القلـــــــــــــــــــــــــــــب الرضـــــــــــــــــــــــــــــــا بالقضـــــــــــــــــــــــــــــــــــــاء

              تعليق


              • #8
                شكري الخالص لك عزيزتي

                لا ابكى الله لك عيناً إلا على مولانا الحسين عليه السلام
                اللهم صل على محمد وآل محمد وعجل فرجهم

                تعليق


                • #9
                  اعزي مولاي صاحب العصر والزمان بوفاة عمته الكبرى زينب العقيلة عليها السلام


                  واتقدم بالعزاء الى مقام رسول الله صلى الله عليه واله والى مولاتي الزهراء والى مولاي ابي عبد الله الحسين والى مولاي ابي الفضل عليهم السلام بهذه الليلة الحزينة


                  واسأل الله بحقها ان يمن على بلاد الاسلام بالامن والخير والسلام


                  وان يرزقنا صبراً من صبرها


                  وقوة على الايمان والطاعات مثل قوتها



                  اللهم صل على محمد وآل محمد وعجل فرجهم

                  تعليق

                  يعمل...
                  X