إعـــــــلان

تقليص
لا يوجد إعلان حتى الآن.

الفخر الزينبي..بقلمي

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • الفخر الزينبي..بقلمي

    فخر من نحمل اسمج عالصدر نيشان
    وانتي الفخر لو راد الفخر يفخر
    يدنك الراس يمج حتى يعلى بزود
    ويصير الفخر من الفخر افخر
    يشد حبل اليسر ايد ج عجيبة شلون
    ماظن الحبل يدريج بت حيدر
    ولاظن الشمس تدري انتي اخت عباس
    جا ن تحجبت بالغيم تتستر
    طريق من الحزن اسود يجر حسرات
    وصدر الكاع من شافج عليه كبر
    وبقايا دموع وشلهة الصبر كطرات
    وعبرة بلايا صوت ولانحب يظهر
    يام كلب الجلد المالونة اجروح
    مغلف باليقين ومعدنة الجوهر
    بس ادري بلهيب الخيم من وجت
    ترة كلب الكفيل بنارهة توجر
    مو سهلة على العباس من شافج
    مابين اليتامى وبين هالخدر
    ااعذريني لون بالخدر ذكرتج
    اكيد لجمت جرحج والوجع اثر
    وابو فاضل اظن حس بالالم اضعاف
    وبطاري الخدر كلبة الوفي تفطر
    وحسين الوكلج دين ونهج وكتاب
    مو بس عايلة واطفال وسط البر
    يدريج انتي قطعة اشلعهة من كلبة
    وكلب احسين من كل الجروح اكبر
    مشيتي بخطوة مغصوبة على المسرة
    شلون اتفاركين القلب الموذر
    والسوط اعلة متنج رسم صورة سيف
    يكص حدة الجفوف ويكطع المنحر
    وانتي بلايا روح ولاامل ظل بيج
    طاح الامل وية الراية وتعفر
    وعليلة الروح ظلت يم جسد مطروح
    تسجد عالتراب الي انصبغ احمر
    ويرد بيج الزمان لذكريات هواي
    بيهة حسين والعباس والاكبر
    وبيت الي يلمكم هو ذاك البيت
    مهبط للوحي وبوابة الكوثر
    ورجعتي ردود للضرغام ابو الحملة
    وذكرتي الطبرة والضلع الذي تكسر
    وساعة الذكريات بكل وجع تلتم
    وساعة بكل صبر وبعزم تتطشر
    عقيلة بني هاشم والاصل معروف
    وبدربج اشد خطوات ماتعثر
    وارد ردود يم بابج ادك راحات
    والدنيا الوسيعة بعتبتج تصغر

  • #2
    بارك الله بك ووفقك الله لكل خير

    تعليق


    • #3
      همم عالية وأبيات رائعة وفقكم الله بحق زينب

      تعليق


      • #4
        احييكم واشكر مروركم الجميل اخي الشاب المؤمن
        والاخت خادمة الحسين..بارك الله فيكم

        تعليق


        • #5
          يشد حبل اليسر ايد ج عجيبة شلون
          ماظن الحبل يدريج بت حيدر


          شكرا لك ولقلمك الزينبي

          جعلك الله جارة لزينب عليها السلام في الجنة
          اللهم صل على محمد وآل محمد وعجل فرجهم

          تعليق


          • #6
            بسم الله الرحمن الرحيم

            أخيتنا الكريمة

            .:. شمس العراق .:.

            أسعد الله صباحك ومسائك بالخيرات والمسرات

            وثبّت الله قلبك على الدين والولاء

            علينا جميعاً الاستمرارية بأحياء ذكرى

            أهل البيت عليهم السلام وطرح ماوقع عليهم

            من ظلم وجور لنتعلم منهم الصبر والفخر

            شمس العراق //

            كوني كالشمس تضيء دفء ومحبة

            تشرق في بستان الشعر الشعبي

            لمنتديات الكفيل

            وتغرب في آخر

            ولا تحرمينا طلتك البهية

            قضى الله حوائجكم و حوائج المؤمنين

            و المؤمنات عاجلا ً غير اجل

            نسألكم الدعاء


            أخوك
            التعديل الأخير تم بواسطة أبو حسين; الساعة 20-01-2011, 12:58 AM.

            تعليق


            • #7
              المشاركة الأصلية بواسطة عطر الكفيل مشاهدة المشاركة
              يشد حبل اليسر ايد ج عجيبة شلون

              ماظن الحبل يدريج بت حيدر


              شكرا لك ولقلمك الزينبي


              جعلك الله جارة لزينب عليها السلام في الجنة
              قد اذكى الصفحة مرورك اخي الكريم عطر الكفيل
              شكرا للرد الجميل ..وبارك الله فيك

              تعليق


              • #8
                المشاركة الأصلية بواسطة أبو حسين مشاهدة المشاركة
                بسم الله الرحمن الرحيم

                أخيتنا الكريمة

                .:. شمس العراق .:.

                أسعد الله صباحك ومسائك بالخيرات والمسرات

                وثبّت الله قلبك على الدين والولاء

                علينا جميعاً الاستمرارية بأحياء ذكرى

                أهل البيت عليهم السلام وطرح ماوقع عليهم

                من ظلم وجور لنتعلم منهم الصبر والفخر

                شمس العراق //

                كوني كالشمس تضيء دفء ومحبة

                تشرق في بستان الشعر الشعبي

                لمنتديات الكفيل

                وتغرب في آخر

                ولا تحرمينا طلتك البهية

                قضى الله حوائجكم و حوائج المؤمنين

                و المؤمنات عاجلا ً غير اجل

                نسألكم الدعاء

                أخوك
                اخي الكريم ..ابو حسين

                اسعدني كثيرا مرورك المتميز
                وردك المتألق
                وانه لشرف لي ان اطبع بصمات قلمي على صفحاتكم المضيئة
                بنور الولاء الوضاء
                وان شاء الله نتواصل لنرفع جذوة الشعر لخدمة محمد وال محمد الاطهار عليهم السلام اجمعين

                تعليق

                يعمل...
                X