إعـــــــلان

تقليص
لا يوجد إعلان حتى الآن.

قصيدة للكفيل ....(عطش وسيوف )شعر- محمد ابو العز - ميسان

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • قصيدة للكفيل ....(عطش وسيوف )شعر- محمد ابو العز - ميسان

    قصيدة للكفيل ....(عطش وسيوف )شعر- محمد ابو العز - ميسان
    جان ملك الموت واكَف بينك وبين الشريعه..
    وصوت الاطفال العطاشه ايهز جربتك ..
    وبين لحضه ولحضه
    تتبده بضميرك دمعة اختك..
    وبين لحظه ولحظه من عينك تمر
    لهفة رقيه التنتظر شبكَات ابوهه..
    وطعم هلهولة عرس
    بشفاف سكنه الجيت اخوهه..
    وصوت دافي يمر عليك
    يرف مثل رفة فراشه
    شايله بجفهه محنه
    ودمعة معاتب ثجيله..
    يابو فاضل دمعة الوحشه جرح
    ماتحمل الوحشه العليله..
    يابو فاضل رد عليها..
    رد عليها ..فاطمه شجرة حزن بالدار ضلت
    والغروب اشما يمرهه يهز بجيها..
    جانت الدنيه عنيده..
    ومن شفتهه الدنيه وياكم عنيده..
    صعد غيضك مرجله وغيره
    بكثر ماناحت المسلم حميده..
    ومن تعنيت الشريعه صار ملك الموت
    سيف بجف يمنتك..
    ونكسر صوت الطبول وضاج خلكَه..
    من سمع صهلت مهرتك
    الجيش كله احتار بيك..
    ومن وصلت المشرعه ماي النهر
    كَام اعله اطوله ونزل شفه
    يبوس ضل بجفوف اديك..
    الماي لمن شلته بيدك
    ما ردت من عنده تشرب
    لا ردت تقبض حياته..
    بس عرض وجه الحسين اكَبال عينك
    واجلت ساعة مماته..يابو فاضل من كَلت يانفس هوني
    العطش من كَد ما خجل يمك تلاشه..
    وترست جودك وفه وطيب ومحنه ومستحه
    للبلخيم ضلن عطاشه..
    وللخيم من ارجعت
    عينك بقت تبره لجربتك..
    ومدري شنهي الطاح
    وتكسر ضميره
    بلحظة الكَطعوا يمنتك..
    وكثر ما شايل وفه ويمشي وي دمك
    فزعت ليمناك ونكَطعت يسرتك..
    والسهم لمن ضرب عينك
    بقيت اعله المهر خيال
    مادنكَت همتك..
    يابو فاضل من طحت عالكَاع
    مو جي بالعمود انضرب
    راسك بس لجن روحك تبدت
    ويه سهم الما شكَفته
    بصدرك وكَدام عينك طكَ جربتك..
    عدك الموت شحلاته ..
    بس جنت كلش تكرهه
    لأن بي كسرت ظهر لحسين اخوك
    وبي شماته..
    اهتزت الدنيه بكبرهه
    حسين مــــــــن دنكَ عليك..
    جانت امنيتك تشبكَه
    بس شبكَتك طاحت وي اجفوف اديك..
    جنت كلش مستحي
    من الماي جي ما وصليته ..
    السهم سويته دمعه
    ومن جفن غيضك بجيته..
    خبر موتك من وصل زينب
    بجه حسين لبجيهه..
    وبجت اعيون السمه نبرت نعيهه..
    شهكَت افركَاك يبو فاضل
    لحد الان بيهه..
    والدليل من انتعنه انزور
    مرقدهه الشريف
    انشوف دمعه اعله الضريح
    وللسمه مرفوعه اديهه..
    الملفات المرفقة

  • #2
    تسلم الانامل اخي

    عدي المختار


    sigpic

    تعليق


    • #3
      تسلم يدك علي القصيده

      تعليق


      • #4
        يابو فاضل دمعة الوحشه جرح---------------------وفقك الله
        sigpic
        إحناغيرحسين *ماعدنا وسيلة*
        ولاطبعك بوجهي"بابك إ تسده"
        ياكاظم الغيظ"ويامحمدالجواد "
        لجن أبقه عبدكم وإنتم أسيادي

        تعليق


        • #5
          احسنتم كلامات رائعة

          تعليق

          يعمل...
          X