تويت
دمع إليكت إعله حسين
الشاعر المرحوم الشيخ كاظم منظور الكربلائي
الشاعر المرحوم الشيخ كاظم منظور الكربلائي
دمــع الــيــكــت إعــلـه
حـسـيـن لـجـهـنـم يـطـفيها
آيـات تـنـزيـل الـجـلالـه تشهد
فـضـل الـحسين امعرب من أب و جد
و بـسـيـف أبـوه باري البريه اتوحد
وجـده مـحمد للناس رحمه انرسل يهديها
و دمـعـة الـتـجري المأتمه ايحفظوها
و بـخـزنـة الـرحـمـه تره ايحرثوها
و اتـصـيـر ذرة اتـنور و يرشحوها
و بقلم قدره مكتوب سطر الشفاعه اعليها
و الـذرة يـوم الـمـحـشر ايعرضوها
عـالـرسـل كـلـها بثمن ما يثمنوها
ايـكـلـهـم مـحـمد من اله ايجيبوها
لـحسين ودوها و ذاك ينطي أجر راعيها
و احـسـيـن يـعرض دمعك المسجوبه
لـلـبـاري و يـرد الـنـده المحبوبه
هـالـدمـعـه صـاحبها محيله اذنوبه
و نـنطيه عوضها لو راد كل المله اينجيها
و الـلـي بـجـه اعله احسين هذا شانه
لاجـن بـعـد مـا أدري ابـعـدوانه
يـوم الـذي مـالـك يـوج نـيرانه
يـجلبها بيها اعله الراس لو عالوجه يجفيها
تعليق