إعـــــــلان

تقليص
لا يوجد إعلان حتى الآن.

قاموس الثوار

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • قاموس الثوار

    (( قاموس الثوار ))

    حُسين حُسين حُسين ... يـانبض دلالــــــي
    حُسين حُسين حُسين ... أغله من كل غالي
    وسط الكُلب ياحُسين ... حُبك يصُب ياحُسين
    يـانبض دلالــــــي
    ************
    ياحُســــين بأســــمك أنردد ندانه
    أوكَل موالي يلهج أبحُبك لســــانه
    نبقى دوم أوياك ياعِزنه أورجانه
    مانهاب الموت خل تســمع عِدانه
    حُسين حُسين حُسين ... أنتـه رفعت راسي
    حُسين حُسين حُسين ... تجري وي أنفاسي
    وبكَل درُب ياحُسين ... حُبك يصُب ياحُسين
    يـانبض دلالــــــي
    ************
    عرشـــك أتوســـط أبأرواح التحِبلك
    أوصرت تاج أعله الجباه الي تودك
    أنته دســــتور العقيده وكلشي عندك
    ماكـدر هالكـون وي أرضـه يحــدك
    حُسين حُسين حُسين ... شـلتك أنـه أبـروحي
    حُسين حُسين حُسين ... تشـفي كل أجروحي
    وعله السُحُب ياحُسين ... حُبك يصُب ياحُسين
    يـانبض دلالــــــي
    ************
    نجمـك الـزاهي يبـو اليمـه هـدايـــه
    وصْبـَحت قاموس ثـوار البـرايـــــه
    قدّمت للديـن أولادك ضحـــايـــــــه
    مالويت الچيـد تتحـده المنــــايــــــه
    حُسين حُسين حُسين ... بـِــذل للحگ دمّه
    حُسين حُسين حُسين ... دوم أنادي أبأسمه
    مثل الشُهُب ياحُسين ... حُبك يصُب ياحُسين
    يـانبض دلالــــــي
    ************
    أنتـه للعُشــــاگ قبله وصـرت معبد
    وبضريحك كل ملوك الكون سُـــجّد
    ألك يانـور الهـدايه المـلك يشــــــهد
    نـورك أبعـرشـــــه قبل أدم تجسّـــد
    حُسين حُسين حُسين ... أي وحگ المنحــر
    حُسين حُسين حُسين ... تبقى عدنه المصدر
    بأم الكُـتُب ياحُســين ... حُبك يصُب ياحُسين
    يـانبض دلالــــــي
    ************
    بالجسد يحسين جرحك يبقى نازف
    كَطِعت بحشـــانه شفرات المراهف
    رغم مـامـر بينـه نتحـــده المـواقف
    ما تهددنــه أبـــــــــد كل العواصف
    حُسين حُسين حُسين ... والله لو وذرونه
    حُسين حُسين حُسين ... أبـد ميهمـونــــه
    وي كِل صَعُب ياحُسين ... حُبك يصُب ياحُسين
    يـانبض دلالــــــي
    ************
    وياك نبقى أعله العهـد يبن الزچيـه
    من رســــــول الله خِذينه هالوصيه
    مانعــوفك أي وحكَ رب البــريـــه
    ماتهمنـه أفعــال كل أذنـاب أميــــه
    حُسين حُسين حُسين ... كل بَشر من طيعه
    حُسين حُسين حُسين ... ألك ننطي البيعـــه
    رغم الرعُب ياحُسين ... حُبك يصُب ياحُسين
    يـانبض دلالــــــي
    ************
    بقلم / سعد مطلوب الخفاجي
    أنه أبدرب الولايه ... أمير أوبيدي رايه
يعمل...
X