إعـــــــلان

تقليص
لا يوجد إعلان حتى الآن.

قصيدة للامام الحسين (ع)

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • قصيدة للامام الحسين (ع)

    عجبه بكل وكت موضوع الحسيــــن
    وما تكتب مثيلـــه بيــوم الازمــــــان

    اذا هو الزمــن كلــه انكتــــب بيــــــه
    وخط اسم الحسين ببابه عنــــــوان

    وماتحتاج ادله ولابــــراهيــــــــــــــــن
    لان اسمك يقينآ وحــــده برهـــــــان

    ومثلك ماشفــــت يابــــــــو الميامين
    ولا يوجد شبيهك ابــــد انســــــــــان

    روحك قدمتهـــــه مهــــر للديــــــــــــن
    ودمك بالطفـــــوف انصــــاغ نيشـــان

    وجسمـــــك بالطفـــــــــوف يرتل آيات
    وراسك عالاسنه انگلــــب قــــــــــرآن

    وما صدگ براسك شالتــــــه ارمــــــاح
    معقوله الرمـــــاح تشيــــــل بــــــركان

    وميت ما اضنــــــك اجـــــزم بـــــــــهاي
    لان وسط الضماير عشت سلطـــــــان

    يصح واحد يمـــــوت وعايـــــــــش دهور
    ويصح واحد عدل بس ذكره خلصــــــان

    الفرق بين الضوه والظلمه معـــــــــروف
    ومابين القمم والــــــوادي شتــــــــــان

    وموضوعك اكتبــــــه وكلـــي تقصيـــــر
    وقلمي شما كتبلك يبقـــــــــه عجزان

    اخطنك قبس ويشع عله الكـــــــــــون
    ارسمنك بحر ويفيـــــض وجـــــــــــدان

    يا اكرم كريــــــم وهـــذا معــــــــــروف
    ومثلك مايكـــــون وابــــد مــــــــــاكان

    من شفت العقيده تموت وتـــــــــروح
    ودين المصطفى من طاح عطشـــان

    روحك عالشــــرع فاضـــــت ينابيــــع
    ودمك بالطفوف يسيل نهـــــــــــــران

    وكل قطرة دمه سالت علــــــه الگاع
    بالطف خضرت يحسيـــــــــن بستان
    **********************
    وطحت بس ماطحت يحسين عالگاع
    لان لمن طحت شالاك جبريــــــــــــل

    شالك للسمه وبجناحـــــــه لفـــــــاك
    وجن بعده الملك تقــــره بتــــــــراتيل

    وجن يم العرش يحسيــــــن خـــــلاك
    قرآنك وساده امغطه بانجيــــــــــــــل

    وانوار الجلاله وبالعـــــرش فــــــــوگ
    حاطت با لجسد وضحت شناشيل

    ودمك هذا دمك من صعـــــــــد صار
    يقينآ بالسمه شموع وقناديــــــــل

    ونزلن عالارض بس بيهن ادمــــوع
    يبجن بالحزن سيد البهاليـــــــــــل

    وي دمع الموالي انخاطن اليـــــوم
    ومن وصلن عجب صارن زناجيــــل

    دگن عالمتن ويصيحن حسيــــــن
    ويبجن بالدمه احزان ومواويــــــــــل
    للشاعر المبدع شاكر الشمري
    ***********************************
    sigpic

  • #2
    صح لسان المبدع الشمري وسلمت الايادي للقصيدة الرائعة
    عظم الله لكم الاجر اجمعين

    تعليق

    يعمل...
    X