تويت
يامعزّ المؤمنين
......................
يامعزّ المؤمنين _ انت يالغالي الشفيع
دمت نور المسلمين _ انت ياسدّي المنيع
......................
للمكابر لا گلتهه _ علّي بايَع والّي ناصَر
هالعهد الّي كتبناه _ لاتِظِن بينه وتِجاسَر
احنه عالطاغي صبرنه _ شما طغى بعمره وتكابَر
كوكبن يعله بسمانه
نِعْمَ للربِّ مطيع
انت يا سدّي المنيع
......................
بدمنه نفدي اسمك حبيبي _ ياامامي وياشهيدي
الله يلعن من ظلمكم _ من امير ومن عبيدي
يومك ابدن لا مننسى _ يا اميري ويا عميدي
تبقى عنوان اليدينه
گلنه للطاغي الوضيع
انت يا سدّي المنيع
......................
بيوم سابع من صفر _ بي حسن چبده تِفَجّر
چنهَه زينب الرميّه _ خيهه راح البي تِبَختر
ذاك يوم الاسود اسمه _ بيه ابو محمد تمرمر
يمّه ردتچ تحضرينه
نعمة الحق السميع
انت يا سدّي المنيع
......................
ياعلي احضرنه يبويه _ منين اجتني هالبليّه
هاي جعده الباعدتنه _ فجعت الزهره الزچيه
اظلم اليوم العرفهَه _ راح اخويه بهل المسيّه
كارثه وكلهه حزينه
والحسن مرمي صريع
انت يا سدّي المنيع
......................
بصوتك انصر يالموالي _ مذهبك رايد تنصره
عالعدو الحارب ولينه _ ادعِ للباري يدمره
فرضو احكام وفتاوي _ ظنهم الحاقد يفسره
هالحزن باقي ولطمنه
ونبچي عالطفل الرضيع
انت يا سدّي المنيع
......................
......................
خادم اهل البيت ع
سعيد الفتلاوي الطويرجاوي
