إعـــــــلان

تقليص
لا يوجد إعلان حتى الآن.

حوار بين الراس والجسد الشريفين للامام الحسين عليه السلام

تقليص
X
  •  
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • حوار بين الراس والجسد الشريفين للامام الحسين عليه السلام

    حوار بين الراسوالجسد الشريفين للامام الحسين عليه السلام


    ---

    --

    راس حسين ينعه الجسم بدموعه -- وجسمه ونتّه امن النحر مسموعه

    ----

    بده الراس ايتكلم والدموع ادموم -- ياجسمي افصلونه شالسبب هالگوم

    عنك عالرمح وجهي ابضرب موسوم -- وسموني ابعصيهم حيل وبلوعه

    ---

    يجسمي ابجبهتي بالحجر ضربوني -- ابشده والدمه ينزف على اعيوني

    آنه اعله الرمح والعده اتولوني -- عسى ايمين الرمتني ابحجر مگطوعه

    ----

    يرد الجسم حسره اتفسر الصخره -- ودمعاته يهلها من دمه نحره

    يراسي اتعيفني مطروح عالغبره -- دربي اشلون اوچده وطافيه اشموعه

    ----

    يراسي الشمر فوگ الصدر گام ايحز -- واعظامي المكسره امن الضلوع اتفز

    چي لني طعين ابچبدتي وعاجز -- چبدتي بالمثلث نصها منزوعه

    ----

    يراسي اشذنب اصبعي انگطع بالحربه -- وخيل الكسّرت صدري شنو ذنبه

    يراسي والگلب مايحمل اتعتبه -- شرايينه متحمل قسوة اللوعه

    -----

    ظل الجسم من نحره يون وبچاه -- من دم الوريد الدمع ليه ابداه

    يوميله اعله ظهره ايگله أي مناه -- يراسي النبله بين الخرز موضوعه

    ---

    ردله الراس من ابرمح شالوني -- يالموذر عليك امشوبحه اعيوني

    بچيت وحسبت ماظن يردوني -- يمك والسهام البيك مزروعه

    ----

    ماظن نجتمع يالجسم الله اوياك -- ماشي ابعيد عنك شايليني اعداك

    منهو اللي يردنه أو وين چا الگاك -- ياجسمي البصدره امكسره اضلوعه

المحتوى السابق تم حفظه تلقائيا. استعادة أو إلغاء.
حفظ-تلقائي
Smile :) Embarrassment :o Big Grin :D Wink ;) Stick Out Tongue :p Mad :mad: Confused :confused: Frown :( Roll Eyes (Sarcastic) :rolleyes: Cool :cool: EEK! :eek:
x
يعمل...
X