تويت
بسم الله الرحمن الرحيم
.............................................
السلام عليك يا باب الحوائج
( موسى بن جعفر )
...........................................
قصيدة / نبعثلچ تعازينه
............................................
يزهره اليوم نبعثلچ تعازينه
ابن جعفر مصابه اليوم ياذينه
.............................
تمنينه العزه يمهه ويمر بيهه
ابنها المات بالغدره نعزيهه
ملايين التجي الگبره تواسيهه
گمر بغداد ما مريوم ناسينه
.............................
گظه عمره بسجن هارون والغربه
بقساوه سْنين عاش ايامها الصعبه
نذل هارون صب احقاده عالقُربه
عزانه عْليك يالكاظم يوالينه
..............................
ابو ابراهيم غاب سْنين عن اهله
سبب راعي الظلم والجور هالعَمله
مصاب البيك يالمسموم ما مثله
ايا مظلوم يا مولاي نادينه
.............................
يظل يومك يمولانه عزاه دايم
رغم افعال اهل الجور ظل قايم
ولا حاكم گدر يمنع ولا ظالم
رجب يشهد مجالسنه ونواعينه
.............................
ابو طلبه تجيه الناس محتاره
ولا فد يوم رد مهموم من زاره
تعنينه لبو الحاجات يم داره
الم واحزان نشكيلك يهادينه
.............................
عزانه چبير يم گبرك نجي نْقِيمه
دعينه الله بارينه العزه يْديمه
يمولانه اليجي يزورك نِذَر دمه
ظُلم وارهاب مُر سْنين عانينه
.............................
امام الكون يالمهدي يبن حيدر
نواسيك بعزه جدك ابن جعفر
دعاء نْصيح يالموله مته تظهر
تعال وثور عالظالم يمهدينه
............................................
............................................
خادم اهل البيت ( ع )
الشاعر/
سعيد الفتلاوي الطويرجاوي
