تويت
كرم حاتم صفه تاريخ لضيوفه ذبح نوكَه وبن هذال ومضيفه ودلاله وكهوه مدكوكه وهاسي المجتبى المعروف من حط الذهب فوكه ويامجد الحسين الدوم نفخر بيه والزينات وي دمه اللي بعروكه الكرم اول صفه بشيمة المعصومين وهوايه صفات انعرضت ابسوكه ومثل مايعتمد بنيانه اعله الساس والخيمة تريد اوتاد مدكوكه الكرم لولا المراجل ماصبح تاريخ واهو شيمه شجاع اسيوف ممشوكه عشك بين الكرم والسيف والينطي ابد ماضاعت احكوكه جبل كلما عله اعلا الكاع يحدر فيض دهله اتغرفه وتضوكه نخلنه العالي والمزيون تشمخ هامته وتدلي اعثوكه اهو هذا الحسين الما بخل بالروح ياشوك الشرف والغانمة شوكه مثل نور النجوم ابظلمة الدنية لمع اسم الحسين ابمجد امتنه ومثل شيال نص اليسند الاركان يضل اسم الحسين ايشيل خيمتنه خالد كل سنه بهل يوم نفخر بيك يادم الحسين الصرت حنتنه وسامك عالصدر علكته وافخر بيك واسمك بالكلوب اتخطه ريشتنه ياكبة الطف ويامزار احرار كبل عمرت الكعبة انشدله عمرتنه يضل اسمك عزيمة ودمك الفانوس يضوي ادروبنه وبيه تعله همتنه يظل امضيفنه والدله والفنجان الك مديون والعمة ويصايتنه ويضل شاطي الشلب بسمك يسولف دوم يالرويت ابدم ذيج طينتنه نعمر نزرع تدرس الطلاب من طحت ويصحبك بيكم انهضنه عاش الجاد بالدم لجل يبقة الدين والدنية انحنتله وكربت منه نعم احياء عدنه بكل سنه وكل عام وحدر صيوان اسمك تحله لمتنه وعلى منبر اليذكر اسمك امحوطين باهل الكرم يبدي وبيه ختمتنه باهل الكرم يبدي وبيه ختمتنه هدار المنصوري |
-
-
أحييك استاذي العزيز من القلب
نص شعري متميز لغةً و بوحاً و ذكريات
قرأت كلماتك الشعرية بشغف و حب
ورأيتها تعكس روحاً رقيقةً شفافةً تقف وراء
كل حرف و كلمة..
تحياتي القلبية لك
تعليق