إعـــــــلان

تقليص
لا يوجد إعلان حتى الآن.

هؤلاء اصدقائي / عومدة ضاحي التميمي / المنتحر

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • هؤلاء اصدقائي / عومدة ضاحي التميمي / المنتحر



    مرتبه سياسية لنهر كان اسمه العلقمي

    چان يزحف

    طفل ..من ظهر الفرات..

    چان يتمرد عله اهله..ومامسه يمهم يبات

    چان عاشك..

    چان سايح..

    دنيته ..اعطور اوفسيل

    چان اعزب..

    طبعه (ميل)

    وچانوا ايصيحوله..يا..جد النخيل

    يمشي ..ماتتعب اجدامه

    ينده الرعيان..ينشد عاليتامه

    عالعطاشة..البلدرابين الگصيفه

    وعمره..ماهد الگناطر..

    مره بين الشته او صيفه

    او صار للضامي سراب

    چان..لو غاب الگمر..

    فانوسه بيده

    ويدگ بيبان الصرايف..

    باب..باب

    چان راضي..

    يمر عالديره يغني..وينثر اعيونه سبيل

    الحيل بين اجناحه ينبض

    والمحبه..تمشي جدامه..دليل

    چان..يحدي..

    وجانوا اينذرولّه..

    طلع النخيل

    چان..سايح....

    چان عاشگ..

    من يمر يتمشط النعناع بيده

    اوين متدور الشمس..يندار جيده

    تستريح اعيونه لخصور الشلب من تحط يمه

    او ينده الورده البعيده

    اوصار ..شيخ..

    اتحزم اچفوفه الولايه

    او صار جد الكل ضمي

    وانتخه البخت العشيرة

    والسواجي..البخته گامت تنتمي

    وانست القابه كلها

    وگاموا ايسمونه....

    نهر العلقمي

    واجت ليله..

    او جزت ليله..

    والنهر صيته كبر

    وصارن اعيونه..منازل للضيوف

    وبين حضنه التال شب

    ونشر سعفه اعله الجروف

    والنخل خضب ازلوفه

    ابطينته..اوأم الصفوف

    والگمر...

    من يوم ضافه ابكربله...

    اوياه سهر

    ومايه لمن عشگ جوده

    وجوده من لم النهر

    (الحرمل)ابناره تعنه اوصار للديره...

    (مهر)

    او فزت ابوجْه الرمال...

    الورده حاضنها غصنها

    ونزعت الغيمه حزنها

    وغسلت ازلوف..الشجر

    والحمامة... باضت ابعشها لحمامه..

    او الفت ليل الطفوف

    والعصافير..ابفرحها..عشعشت بين السيوف

    ومن توضت عاشگه

    ابمايه الچفوف...

    صارن..اجروحه معابد...

    والشمع داير مدايرهن يطوف...

    ويوم...من گام الجراد اعليه يدور

    الطيره نگضها تعبها..ونلوه جيد الزهور

    والنخل..تيجانه طاحن..واهجرت عشها الطيور

    وگاعه غطاها صبخها..وطاحن اچفوف الجسور

    ومره...من شاف اليتامه

    اشفافها گامت تموع...

    وتاكل الطفله صبرها

    وامها ترضعها الدموع

    خيم الهندس ابروحه..وذبح بسمات الشموع...

    ومن فگد صوته ..النهر...

    بعد ماسملوا اعيونه...

    وگام ميشوف..الشجر

    وگع بجروحه ايتلوه..

    ياكل ابروحه الحزينه...

    وتاكله انياب..

    السهر

    (والطبگ)

    من صار هاجس..يحفر ابروحه سوالف

    غيضه گام ايخرمش اخدود..الحجر

    نخه اجروحه...

    لكد روحه..

    راد يعبر..ماگدر

    راد يصرخ...ماگدر

    راد يصبر...ماگدر

    ومن عرف نفسه اسير

    ابسجن نوحه

    ابلا وداع..

    اتحزم ابوشلة اجروحه

    وعاف جرفينه

    يتامه...

    وانتحر..

    انتحر







  • #2
    روووووووووووووووووووووعة استاذ عاشت الايادي

    تعليق

    يعمل...
    X