كَالو تفنة ويفنة حسينك
جم ناصب واعدني بوعدة
تحدوني وكلت آنه أتحدة
شما طالت وتطول المدة
ما يفنة البيني وما بينك
.................................
اتحدوني وزادوا بآلامي
هذا يكيد وذاك يرامي
ظنهم عن شخصك يالظامي
اتنصل لو صاحوا وينك
................................
صاحوا دربك كلش وعرة
كل خطوة المحبوبك جمرة
ما بيك وتحمل هالسفرة
وباجر ما تلكة اللي يعينك
...............................
باجر تعثر بأول خطوة
بأوهامك وأحلامك تهوه
صحت آن أكصد راعي النخوة
بس اندب يندب عد عينك
...........................
عثراتي بمسراه يقلهة
وجروحي بدمعاتة يشلهة
لتظن يوم الوالي اهملهة
متضيع ولتظن ناسينك
.............................
متهمني وعود الجذابة
وميهزني الحاقد واحزابة
حسين الدنيا تلوذ ببابة
وتشهدله سنيني ويه سنينك
...........................
هاي آيات حسين ابصرهة
راية وكَبة يسر منظرهة
جم عام المر منهو الظرهة
وبشخصة يتم ديني ودينك
............................