إعـــــــلان

تقليص
لا يوجد إعلان حتى الآن.

اشلون تريدني أوصف علي بجلمات....قصيدة شعبية بمناسبة الغدير

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • اشلون تريدني أوصف علي بجلمات....قصيدة شعبية بمناسبة الغدير

    اشلون تريدني أوصف علي بجلمات
    اشلون تريدني أوصف اسم..... مذكور بالكرسي
    واشلون اوصف ...... اسم منحاط بالايات...
    واشلون اوصف علي المقصود في (هل آت)
    و(محمد) وثق أوصافة بحروف مسطرة منورات..
    علي من أكتب قصيدة..وينذكر اسمه...
    أشوف أبياتهه..اجلالا ال اسمه ...
    وي ضلوع صدري تصير منحنيات....
    واشلون تريدني أوصف علي بجلمات...
    ***
    علي يامنبع الطيبين و الطيبات..
    يهلهولة عرس من شفة مهنيات..
    ياحنة وفه...بجفوف لمحنيات..
    صدك من ترتفع رايتك يا مولاي..
    لسمك يابطل تتنكس الرايات..
    وعلي من يحضر المحشر ..وعد مكتوب..
    لجله جنان الله تصير متفتحات..
    وحور التنتظر حيدر...
    تصير بجنة الفردوس مبتشرات.
    . واشلون تريدني أوصف علي بجلمات...
    ***
    علي الماهمته الدنيه..
    ولا همه المضه و الآت.
    شوباشة يظل مبذ ول...من يوم السقيفة....العادتنه اليوم..
    شوباشك يبو الحسنين... ظل ركاب مكطوعات..
    علي وسام السمه المشدود بالنجمات...
    وعلي عطر الارض لي لحف النسمات..
    و لو أبقى أنادي يا علي كل ساع...
    تخلص كل قوانين اللغة ..وما تخلص الياءات.
    واشلون تريدني أوصف علي بجلمات .
    ***
    علي عندة كبر ...
    لكن علي مامات...
    وجسمك ياعلي بتربانه... ما يحتاج هذهبات..
    )محمد) صاح يا)بوتراب(
    .... كوم انفض ترابك واحضر الشدات..
    علي الكضه العمر ...آهات...
    علي الكضة العمر حسرات.
    علي ما خلصت دنياه بالذات..
    و اليذكر علي بشينه..
    يظل دايم (ردي) و(بد ذات(
    واشلون تريدني أوصف علي بجلمات...
    ***
    يحيدر ياعلي المريود للكلفات...
    وشباجك دوة منعوت للازمات..
    صدك عند كبر ينزار..
    لكن في وسط لكلوب.
    .اسمك ياعلي ..أحروف محفورات...
    ياعشك السمه ..و يا غيرة التاريخ...
    يلسيفك وحيد من السمه مشطور..بي شفرات..
    يلكفوك الزهرة ..وأستحي مولاي..
    أجيبن ذكر فاطم..
    أعرك مستحه..من حضرتك مولاي...
    وتعاتبني السطور..وتسجد الابيات..
    واشلون تريدني أوصف علي بجلمات...
    ***
    وكبتك من بعيد تصيح لزاير..
    رغم هضيم ..يشوف الكبب مبتسمات..
    ومناراتك جفوف أم البنين...الماحناهه الظيم..
    من دم الجفوف الطاحت.... موشمات..
    وديوانك يظل مفتوح...لتالي...
    وعيب أبن الكرم بيبانه متغلكات...
    وعيب أبن الكرم بيبانه متغلكات...
    واشلون تريدني أوصف علي بجلمات...
    ***

    مع دعائي لكم...
    ابوسجاد المنصور
    عبد الصمد جاسب خضير
    البصرة – فاو
    10/1/2007


  • #2
    السلام عليكم ورحمة الله وبركاته اخي العزيز ابوسجاد
    تغريد جميل وكلمات عذبة وترانيم ولائية جيدة
    سدد الله كتاباتك لخدمة مواليك وأفاض عليك من سل
    سبيل الولاية مايثلج صدرك ويبلغك أمانيك بحق صاحب بيعة يوم الغدير علي عليه السلام

    تعليق


    • #3
      المشاركة الأصلية بواسطة ابو امنة مشاهدة المشاركة
      السلام عليكم ورحمة الله وبركاته اخي العزيز ابوسجاد
      تغريد جميل وكلمات عذبة وترانيم ولائية جيدة
      سدد الله كتاباتك لخدمة مواليك وأفاض عليك من سل
      سبيل الولاية مايثلج صدرك ويبلغك أمانيك بحق صاحب بيعة يوم الغدير علي عليه السلام
      الله يحفظك يا ابو آمنه
      آمين رب العالمين
      شكرا على دعائك

      تعليق

      يعمل...
      X