مسلم ينادي غريب

[اياد الفرح]

مسلم ينادي غريب منهو ينصر دينه
ورد عليه الصدى يصيح محد وياه
دموعه من عينه تطيح وكلبه يم حسينه
وطوعه كالت ياغريب شعندك هنا
..............................
مسلم يكلهه غريب وبايعتني الكوفة
جيوش اصبحنه الحسين وصرنه من اصفوفه
ما شفت ناصر إلي وصحت بويه يا علي
حسين راح لكربلاء ومحد وياه
................................
مسلم يباوع عليهم ماكو ناصر لامعين
ليش بايعتوا الإمام وصحتو الحك ياحسين
ليش يا أهل الغدر صرتو وي جيش الشمر
وعفنوا الأمام الحسين ومحد وياه
.....................................
الحيرة بعيون الغريب وهو واكف وحده
التمت أشباه الرجال وحاصرته أهل الرده
صاح خويه يا حسين ما بقة واحد معين
أمس بايعتو الحسين وكلتو بحماه
.........................
التمت العدوان رادو مسلم يبايع يزيد
صاح انه الكرار عمي وحبه يجري بالوريد
صاح ما اعوف الولي هذه ابن عمي علي
ابد ما اعوف الإمام وابقى وياه
....................................
رادو يكطعون راسه وينشمر من القطر
قرر يظل وي حسين وفدوه لحسين العمر
مسلم اربات الأمير بهاي لتظنه يحير
بايع حسين الإمام وباقي وياه
…….
الشاعر

اياد الفرح