تويت
خادم أهل البيت وسام خضير الكلابي
ــــــــــــــــــــــــــــــــــــــــــــــــــ ـــــ
آنه موشاعر وأريد أروي خبر هذا التاريخ سجل حاله
ــــــــــــــــــــــــــــــــــــــــــــــــــ ــــــ
من گصد حســــــين الطف كربله
بنورعز اوفخر يضوي مــــشعله
يخـــــبر التاريخ بالأمــــــه أبتله
بالخطر شال الضعن وعياله
ـــــــــــــــــــــــــــــــــــــــــــ
من گصد حــــسين للطف اشيريد
من بوادر جـــــور بانت من يزيد
نـــــاوي عهــد الظلم بالأمة يعيد
او مايظن أرجال تتصداله
ـــــــــــــــــــــــــــــــــــــــــــــــ
من المدينه رحل شــنهي غايته
ايحافظ اعله دين جـــده أو أمته
أتناخت الأبطـــال تبعت ثـــورته
وللشهاد أسرجوا خياله
ـــــــــــــــــــــــــــــــــــــــــــــــ
لو نريد الوصف عالصار أشنگول
عـن طريق الحق مــن شتت عقول
ماتميز الطاغـــــي عن أبن البتول
حكم بيهه يزيد قيد أغلاله
ـــــــــــــــــــــــــــــــــــــــــــــ
هذا أبو الســـجاد بالطف من وگف
او غــدت تتجمع العدوان أو تصـف
أن چــان مايثبت الـــــدين أو حـــلف
عالسيوف أو تعتنيه آجاله
ــــــــــــــــــــــــــــــــــــــــــــــــــ ـ
أشــضحى بيـــمن تدري أوثبت الدين
الطفـــــوف أرتوت من دم الحــــسين
وبالأنصار احساب ماتجزي سبعين
وبذبح نحره أو ذبح أطفاله
ـــــــــــــــــــــــــــــــــــــــــــــ
وبـــــعلي الأكبر تــــوذر عالثره
وبجاســـم العريس ضل أبلا ذره
وبجفوف الحيد ســــــبع الگنطره
وبسبي أم الخدر واعياله
ـــــــــــــــــــــــــــــــــــــــ
ضـــل يذكر التاريخ أسفار الأمجاد
واقــــعت أبطـــال وبهمــه تنعـــــاد
مايميل الــــــدين من صاروا أوتاد
ثبت وترسخ أبعزم أرجاله