تويت
مجبورة اشكي يا علي وسكينة مجبورة
مو ضلع بيه المنكسر كـلي انه مكسورة
مجبورة اصيح حسين
أنطــي الـوجه لا وين
......
شتكول يا حيدر علي لو شاهدت حالي
مـن بعد عينه كــافل يا هو إلــي برالي
حـرمة وحيده وحـايرة ومن غير والـي
والكافل جفوفه مهن بس جـثــته كبالي
الــمن أديــر العيــن
أنطــي الـوجه لا وين
........
مجبورة اشكي واشتكي ياهو إلي اشكيله
سجاد يمي من المرض مهدود كــل حيله
وحسين حــزو ركـبته دم منحره يسـيله
بلا راس جسمه ياعلي ما اكــدر احجيله
والرأس اجيبة منين
أنطــي الـوجه لا وين
.........
مجبـــورة اطلع يا عـلي الأطفــال شيلمهه
فرت يبــوية من العطـش والخــوف المهه
والحرم يا بـــوية الحــرم الشـمر يشتمهه
لحسين من رحت بهضم ريحه اخواشتمهه
واعــثر عـلى الميتين
أنطــي الـوجه لا وين
........
مو دمع ينـــزل ياعــلي العيــون مذروفه
لمن وصلته يا عـلـي الحسيـن مــا شوفه
حسيــت دمعه فــاطمة عالجسد ملهوفه
وعباس عفته عالارض بس ماكو اجفوفه
يا زهـــرة يم حسيــن
أنطــي الـوجه لا وين
........
كونك تجينة ياعلي تشوف شجرة علينه
حــال اليتامى وحالتي لــو حالة أسكــينه
ما ضل خدر يابو الخـدر والخـدر سابينه
واحــنه سبــايه ياعلي غير انته حامينه
أنطــي الـوجه لا وين
مجبورة اصيح حسين
........
الخادم
اياد الفرح
2012