تويت
ليلة الوداع
الليله الوداع يهلنه الليله الوداع
ﭼم ﮔلب لاع يهلنه ﭼم ﮔلب لاع
ـــــــــــــــــــــــــــــــــــــــــــــــ
الليله أفلاك الديانه ويَ المصير مساهره
صايره مثل الثريه ويَ الغريب مناطـــره
تنتظر مصباح باﭼر والـﮔلـــــوب موجـِّره
والخيم بس بالدعاء وبالتلاوه معــــــطره
تنتظر أعظم لــــقاء
تفدي قربان السماء
ـــــــــــــــــــــــــــــــــــ
الليله آل البيت ظلت بالموادع والنـــــــحيب
ﭼم ﮔلب لاع وتـﭼوه وﭼم عزيز وﭼم حبــيب
والاملاك بسمه السابع شافت المظهر عجيب
الصبر يا آل الرساله لاح والفـــــــتح القريب
وبالدمه يصير النصر
وبيه طه يفتــــــــــخر
الليله زينب وي اخوها حسين تسهر والـﮔمر
وباﭼر تشوف الكفيل يطيح ضامي عل النهر
وباﭼر سكينه العزيزه تعــيش أيام الخـــــطر
وباﭼر بسيف آل اميه ينذبـــــح خير البـــشر
واليتامه وكل هلي
تصيح ياحيـــــدرعلي
موتـﮔول الليله عشره تـﮔول هالليله الحشر
تشوف أصحاب الحسين اهل الحميه تبتشر
وباﭼر بملـﮔـه الابطال تصير ويْ عصبة بدر
وحامله أعظم شهاده وعل الخلايق تفتخر
والصحايف باليمين
ﮔبال أمير المؤمنين
ـــــــــــــــــــــــــــــــــــــــــــــــ
زينب تخاطب أخوها ﮔول ياراعي الشيم
لو يماي العين رحتو منهو يبقه وي الحرم
ومنهو ليصد الكتايب عن أهلكم والخيم
ريت بعدك يبو اليمه الكون ياخويه نعدم
ريت بعدك لاعشت
ولالمصرعكم شفت
ــــــــــــــــــــــــــــــــــــــــــــــ
ولن ابو سكنه يتبسم ياعــــــلي شهذا الصبر
ﮔال يازينب يخيـــــــــــتي الـﭺ موكول الأمر
الباري يحميكم يزيــــــنب من ظلم أهل الغدر
انـﭼـان مانفدي الارواح الدين ابد ماينتـصر
دم وريدي ورﮔبتي
يصير نور لشيعتي
*****************
نسألكم الدعاء
نسألكم الدعاء
تعليق