مو بيدي إلك أبجي ويهـل دمعي

[آمال يوسف]

اللهم صل على محمد وآل محمد الطيبين الطاهرين
السلام عليكم ورحمة الله وبركاته

مو بيدي إلك أبجي ويهـل دمعي
من اذكر مصابك يختلف وضعي
صدري يدك على صدري
وضلـعـي يلـطم أبـضلعي
اجمع كل قواي وينكسر جـمعي
......
مو دمعي على خـدودي جمـر ينزل
مثل دمع الشمع بـي نـار إذا يهـمل
وأنـفـاسي أحـس بيه وهـج تـشعـل
تشعلني وأحس اخجل
تخردلني وانه اتخردل
وحــرارة أبعاطفت حبــك فـلا تـنمل
مـن اسمع مصـابك يختـلـف سمعي
........
كـلبـي والرجـل والـرأس والعيـنيـن
مو بيدي العقل ما ادري بي لا وين
يرجف جسمي كله وترجف الايدين
احس أبوضعي متغير
وانه أبـأمري متحير
ارجف لو يمر سمعي ذكر الحسين
وكل أحشائي الك حتى العظم ينعي
.........
حـالي يختـلـف وتـصيـر بـي حـاله
مــن اذكــر حـسين واذكــر عيــاله
أوصـالـي أحسها أتنـاغـم أوصـاله
تعـثـر مــن تمشيـني
أحس تلطم شـرايني
عـيـوني بـلا وعـي تبجيـله همـاله
ولـوعـاتي ألـوعـن بيهه مـن تلعي
......
تهيـج أجـروح بيه وتلجـم أجروحي
وتـضل روحي عليكم تـلطم أبروحي
وتـنصبلك عــزاء أبـأنـتي أونـوحـي
أنوح وعــيني تبجيـني
ويلطم عمري وسنيني
ويفضحني لساني ابسري وبـوحي
ويمنعني اليـبغـضه مـا كــدر منعي
......
مجـنـون ويـهـيـج أبحـبك جـنـوني
مـن يخلـص دمع أبجيلك أعـيـوني
وأصـير أتـراب خدامك يـدوسـوني
اصير تراب وانداس
أبـاب الكـفـل عبـاس
ومثل جفينه كـون انـه يكطعـوني
وابــاب الصحـن أبجيــله وادعـي
.......
الخادم
اياد الفرح

م\ن

[كرم الزهراء]

جميلة جدا القصيدة بارك الله فيك امال يوسف
المبدعة دوما

[علي حسين الخباز]

جميلة جدا بنيتي امآل يوسف ولك المودة والدعاء

[نهج الهدى]

اي والله مو بيدي الك ابجي ويهل دمعي
بارك الله فيكم على هذه القصيدة المؤثرة
خالص دعائكم