مرثية بقلمي الفقير

[غسق التميمي]

زينـــــــب تنادي حسيــــن
ومـگطع الجفين
انطي الوجه لاوين
------------------------------------
زينب بيوم اليسر من فــگدت الوليان
گصدت لبو فاضل مشت تشكيله الاحزان
ردتك يخوية بهلمحل تردني للاوطان
حيف الترب خدك تمس وانت گـمرعدنان
اشكي يخوية الصار
ظل الفكر محتار
مدري اروحن وين
--------------------------------------- المستهل
حين اعتنت بضعة علي تشكي لخوها حسين
شبـگت على الراس العشر وتذرف دموع العين
شافت اخوها بالدمه ومترب الخدين
جسمك يخوية اعلى الترب منذور يحمي الدين
وراسك يروح وياي
يلي سكنت احشاي
ورسمك يظل بالعين
--------------------------------------المستهل
من رگـبت النوگ الهزل تتأمل الاطفال
وزين العباد الذي مـگيده بحبــــــــــال
صار الدمع يحجي الجره ويبين الاحوال
مخدرة ال النبي صارت بدين انــــــــــذال
هذا الجرى من الــگوم
والطف تروى دموم
من مهجة الطيبين
---------------------------------------------المستهل
حين المشت بذله ويسر كثر عليها النوح
من باب امها والضلع مليانه كلها جروح
ذكرت دَلاَل العايله بذله ومهانه تروح
ونطت فده لرب السمه حسينها المذبوح
تقبل يربي فداي
محروم من الماي
وغاب عني حسين
المســــــــــــــــــــــــــــــــــــــتهل
غسق التميمي

[استاذ منذر الكناني]

السلام على الحسين وعلى علي بن الحسين وعلى اولاد الحسين وعلى اصحاب الحسين ... دامت هذه الانامل قصيدة مؤثرة

.... تقبلوا مروري ....

[كرم الزهراء]

يسلم قلمك المحترف لهذه القصيدة الرائعة
غسق التميمي
دام لنا قلمك المتألق دوما
الله يعطيك العافية

[غسق التميمي]

الاستاذ منذر ممنون لمروركم العبق يا استاذنا الغالي

[غسق التميمي]

الاخت كرم الزهراء اللهم ربي يحشركم مع الزهراء وأولاد الزهراء

[استاذ منذر الكناني]

ما كان مرورنا الا قطره من غيث عطائكم ....... تحياتي

[علي حسين الخباز]

عزيزي غسق مودتي ومعزتي ودعائي

[غسق التميمي]

استاذنا الخباز البهي انما لمروركم طابع يجعل من منشورنا المتواضع يزهو وينير يا استاذنا الغالي

[خليل علي الزبيدي]

{ عظم الله أجوركم }

بوركت أيها المصور المبدع والولائي المحب
زادك الله فضلا وحباك بنعيم الدنيا والاخرة
لك مني خالص الدعاء بالموفقية

[غسق التميمي]

مروركم استاذ ابو امنه على العين والرأس