تويت
جعفـــر إمامـــــي ( بمناسبة في مولد الصادق )( عليه السلام )
جعفـــر إمامـــي إبمولده فرحانـــه == أرض إو سمه إو نور الولي غطانه
ـــــــــ
أرض إو سمه فرحت تنادي جعفر == أهــلا وسهــلا بيك يابــــــن حيدر
عشگــي إلك يبن الرساله أخضر == ما ينمحي هذا العشگ عنوانـــــــه
ــــــــ
ما ينمحي هذا العشگ عنواني == عنـدي أمل إوفي الزچيه آني
ثابت على نهج النبي إيمانـي == حب عترته وسط الگلب نيشانه
ــــــ
حُب عترته واجب فريضه إعلينه == وإبمولــــد الصـــادق نهنـــي جينه
سادس إمام اليــوم مِتْرجينــــه == من عترة الهادي القدير إنطانه
ـــــ
من هيبة الهادي أخذ أنواره == وإحنـه إجينه إنبارك إو خطاره
محظوظ كُل مَنْ بالمدينه زاره == للصـــــادق الغالي تظل نجوانه
ـــــ
والصادق الغالي يظــل نبراسي == جعفر إمامي إو بيه رافع راسي
وإبذكر أبو موسى تطيب أنفاسي == بسْمَه تطيب إرويحتي الحيرانــــــه
ــــــ
بِسْمَه تطيب إرويحتي المهمومه == وأفرح وهنّي إبمولده وإبيومــــــه
راعي العلم أصبح معيني دومه == علمه مله الدنيه يشع مولانــــــه
ـــــــ
علمه مله الدنيه يشع يهديها == أمة محمد معرفــــــــه ينطيهــــا
للحق أبو موسى الأبي يحديها == يروي ظماهــــا للعلم عطشانـــــه
ـــــ
يروي ظماها بالعلم والقــرآن == ينقذها من شر الظلم والطغيان
هالأمّه يحميها إو يعلّي الأركان == يحيـــي الشريعه إبهمته إو إيمانه
