تعريف الكفيــــــــــــــــــــــــــل

[الشاعر الغريب]

بسم الله الرحمن الرحيم

اللهم صل على محمد وال محــــــــــمد وعجل فرجهم وفرجنا بهم ياكــــــــــــــــــــــريم

السلام على الحسين وعلى علي بن الحسين وعلى اولاد الحسين وعلى اصحاب الحسين

السلام على حامـــــــــل اللواء قمر بني هاشم ابي الفضــــــــــــــــــــل العبـــــــــــــــاس

قصيدتي بعنوان تعريف الكفيــــل اقدمها هديه من هذا الخادم الصغير الى مندى الكفيــل

المبارك وكل محبيه واسألهم الدعاء

تعريف الكفيل

كالو تكدر اتعرفه الكمر عدنان ***وترسمله صور باشعارك اوصفـــــــــــك

　
وتعريفك صعب يابه الفضل والجود** كلي ياقصيده التكدر اتعـــــــــــــــرفك
　

يابحر اليكفي وياوزن الاختار *** وبحور الشعر عطشـــانه يم جـــــــــــرفك

　
جي لنك لغز والحل صعب نلكيه***صعب كلش صعب شاعر تره يوصــــــفك

　
ولانك معجزه ومحيره العقـــــول***صار ادهور مابينــــــــه الذي يعرفــــــك

　
اّيه انت واجت من حجة الرحمن***واسرار الوصي وي عصـــمته تحـــــــفك

　
حيدر للنبي اصبحله ظل وباب***وحيدر سيدي هو الذي مخلــــــــــــــــــــــفك

　
وبس ربنه ورسوله الحيدر يعرفوه*** وانت الهالوكت ما واحد يكشـــــــــفك

　
اذا عباس حيدر والعكس هم صح***وصنف المرتضه يابه الفضل صنـــــــفك

وبس عباس يعرف منهو العباس***وبس عترة محمد هيه لتعــــــــــــــــرفك

من صغرك شهم ماكمطاك كماط***وكل الكون يعجز لو نــــــوه يلــــــــــــــفك

واخذ منك علي يابه الفضل العهود**من اول يوم باشرف واجـــــــب يكلــــفك


يكلفك بالضعن وحسين والاطهار***بهاذي المنزله بارينـــــــه المشــــــــرفك

وانت تكفلت اطهر ضعن بالكون***وتعلم هالكفاله بكلـــــــــــشي اتكلــــــــفك

احلفت للمرتضه تصون العهد وياه**وجان المرتضه بجــــفوفك يحلفــــــــــك

وثلث تنعام منك ياشهم وفيت***جي انت الفضل واصل الـــــــــكرم لطـــــفك


يشهدلك يسبع الكنطره التاريخ***ويشهدلك فخر يابه الفــــــــضل طفــــــــك

كل جيوش مرجانه وبني سفيان***وكل سيوفهه ماكــــــــدرت تخـــــــــــوفك

وكل ارماحهم والخيل والفرسان***ما كدرت ابد عن كصـــدك تحـــــــــــــرفك

ولا كدرت تحد من همتك والزود***والاف الزلم ماكــــدرت اتجتـــــــــــــــــفك

من سيفك غضب يحصد حصد بالروس**وملك الموت اظنه يمشي بصـــــــفك

نزيفك مستمر بالغيره واداويه*** الملك صاح وتعجب من كثر نزفـــــــــــــك

ولوما حكمة الباري اوعد موعود***جا محد كدر ياســــــيدي يوكفــــــــــــــك

ماي العلكمي رادك تحن اعليه***بس رادك تعاين نظـــــره من طرفــــــــــــك

ورادك بس ترفعه يلامس شفافك***واتمنه تحن اعلـــيه من عطفـــــــــــــــك

عفت نهر الفرات وظل ينوح اعليك**رغم ذاكه العطش واشـــكد صعب ظرفك

لان تدري القضيه مو قضية ماي***سر هذا الخلود اتـــخطه من حتفــــــــــــك

وتحضر بالحشر ام الحسن وحسين *** ويه اهل الكســــــــه اتخلــــيك وتصفك

وجدام الخلق كلهه الانس والجان **** الك اقــــــــدس وســام اتقدمه وتشرفك

وموعجبه الملك يم جفك ايطوفون **** اذا نفســــــــــه الامـــــير امقبله الجفك

[كرم الزهراء]

حياك الله وتسلم ايدك
الشاعر الغريب
ننتظرالمزيد من التالق
موفق يارب

[نداء الكفيل]

تسلم تسلم على هذه الكلمات الرائعة بحق مولانا المفدى

[احمد كوت]

الموضوع جميل والكلمات اجمل
بارك الله فيك اخي
على هذه القصيده

[علي حسين الخباز]

طيب الله انفاسك القصيدة رائعة يا اخي تقبل مودتي

[محبة الزهراءع]

اللهم صل على محمد وال محمد وعجل فرجهم الشريف

احسنتم اخي الكريم على ما جدتم به من كلمات رائعة

ندعو من الله ان يوفقكم وان يطيل في عمركم لخدمة اهل البيت عليهم السلام
بتلك الانفاس الحسينية جزاكم الله خير جزاء المحسنين

[الشاعر الغريب]

اخوتي واخواتي الاعزاء

كرم الزهراء

نـــداء الكفيل

احمد كوت

علي حسين الخباز

صحبة الزهراء

تعجز العبارات ان تصف مااكنه لكم على مروركم الكريم
الحمد لله الذي وفقـــــــــــنا لخدمة الاطهار عليه السلام
وبالنسبة لي اشعر باني ومهما كتبت لا زلت مقصرا بحقـــــهم وانشاء الله بدعمكم ودعائــــــــــكم استــــــــــــطيع ان استمر بخدمتي لهم ولمن والهم