شلون حالك يالعصيت الله وتموت

[زدني علما]

شلون حالك يالعصيت الله وتموت **** شلون حالك من يوسدونك حجر شلون حالك من يهيلون التراب **** فوگ راسك وانطمس حته النضر شتعتذر يم الله يالعاصي شتگول ***** رغم انفك من تروح أعلى إلگبر ما يفيدك مال لا جاه وبنين ************** ولا عذر ينفع بعد من تعتذر لا ولد يمك يبات ولا صديق ************* والگبر اظلم يضل مد البصر ماكو خير ولا ثواب يطب عليك ****** لأن عمرك عاصي گضيته بسكر تنام عاصي بوكت فرض الصلاة ******** بلا خجل من ربك وعندك فكر ناسي دينك ناسي نفسك ناسي يوم ******* بيه تسافر ما ترد من السفر تمشي أيام وشهور وبالسنين ***** تمشي وعره دروب أسهلها الخطر شلون حالك من تدور عالدليل *********** بهول ما بين العوالم من تمر وساعة التعرف دليلك من يجيك *********** شايل أعمالك يناديك بزجر ويا صعوبة موقفك لمن نكير ************ منك يريد الجواب شما أمر وين گضيت العمر أول سؤال ******** شراح تحچي شلون گضيت العمر غافل وسكران ما تدري اشوراك********** لو چنت عمدا تجاهر بالكفر شتحچي لو منكر يگلك يا فلان*********** تصور بنفسك حقيقة هالا مر المن تعاين بعد المن تروح ********** تنطي وجهك وين لا وين المفر غربه وحشه وخوف وأهوال وحساب***** من تطيح بهاوية وادي سقر توب لا تغفل يخايب لا تنام ************ وأصحه ليلك بلچي ذنبك ينغفر الچان گبلك وين صار بيا مكان***** وشوف ربعك صاروا دروس وعبر ------------------------------------------------ هذه الأبيات للشاعر أبو الحسن الحسني /أحببت أن أنقلها لكم

[محبة المهدي الموعود]

السلام عليكم ورحمة الله وبركاته
جزيل الشكر لكي اختي على الموضوع
وجعله الله في ميزان حسناتك

[زدني علما]

عليكم السلام أحسن الله لك

[خليل علي الزبيدي]

بارك الله بكم أختنا العزيزةالقصيدة جميلة تذكرنا برائعة المرحوم السيد عبد الحسين الشرع (شلون بيه وثكل وزن احسابي)
وفقكم الله وأطال في عمركم في كل خير وعافية وسلامة