تويت
(( حلم مرشح لمجلس النواب ))
لو جانه أنتخاب نصير كلنه أحرار
و مظلوم الوطن و نريد بنيانه
وانادي بعلات الصوت يا أشراف
يرخص كل ثمن و انطونه سكانه
أنه أردم خلل آهات عهد الجور
ويا محلا الأخو من يخدم أخوانه
رشحت و اريد اليوم هلتصويت
ما صفـگ زند من غير عوانه
ياچف اليصول وبيه أعظم سيف
ينشل للأبد من غير ضرعانه
هذا آنه وإلي التصويت يحلا اليوم
أمسح عليتامه و رحمه هذا آنه
و من بعد النجاح نسيت مدري شصار
مدري الكرسي بي سر هيـچ سوانه
ننشد للقبلنه عهود الهه هواي
و كل واحد أجانه مسرفل ردانه
شسوت للشعب مظلوم بعد وصار
مركب بالبحر و هواي سفانه
بيه العيب ..؟؟ لا لا أبد مامعقول
صوتلي الشعب بدموم شريانه
ها يمكن نسيت وغرني مال وجاه
ها يمكن مشاغل جور دنيانه
هاي اعذار عندي هواي اسكته الصاح
و كل يوم أبْلد وفلان و فلانه
ها يوم القيامه شراح أگله لله
لو گال الرعية عليك زعلانه
مو تسعر جنهم ..ربي لا ...أرجوك
ما ريد الكراسي ظنوني حلمانه
فزيت و أثاري بحلم تايه چان
عقلي و النفس وياه سكرانه
خادم أهل البيت
سيد صلاح الخرسان
تعليق