تويت
قبل جان الجذب مو زين!
لتكول الزمن مو زين هيه الناس مو زينه!!
ولا تسأل بعد وتكول جا وينه الوفه وينه!!
مدفون الوفه وتلكاه ويه اكبور اهالينه!
تدوخك طينة ابنادم و ما تعرفهه ياطينه!
ويا رحمة البعد ضلت اثنين وما تصافينه!
وطحنه وحشمينه الناس كلها اتصيح شعلينه!
جان الجار اليسافر بس ينخه جوارينه
هسه ايخاف من جاره يحوسمله حياطينه!
اليتيم الجان ما يحتاج هسه دمعته ابعينه!
إوجان اليطلب الفزعه تفزع كل درابينه!
هسه الفزعه صارت عيب محد يركض اعلينه!
قَبل جان الجذب مو زين منحطه ابمحاجينه
هسه اصماخنه ايجذب قَبل فرة فناجينه !!!
جان السمج بالشبجه نصيده اولذه ينطينه
راح الطعم جَن يعرف غدرناه ابشواطينه!!
قبل جان اليصلي ايخاف من ربه وصدك دينه
هسه ايصلي ويفكر اشكد صارت ملاييينه!!
المصيبه نحجي عالعالم واحنه العيب ما لينه!
ننبش على اعيوب الناس ونفس اعيوبهم بينه!
اشوكت تطلع تصفيها اشوكت تضهر يمهدينه!!
وحق الكعبه ملينه
وحق الكعبه ملينه
للشاعر حسين الساعدي
تعليق