إعـــــــلان

تقليص
لا يوجد إعلان حتى الآن.

ودعت العمر ماودعت عباس...

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ودعت العمر ماودعت عباس...








    بعد ان احرقت القلوب في الطف.....
    لم يبقى شيئا ليحرق سوى الخيام..........
    فما كان من زينب الا ان تنادي مهدده بعودة القادم البعيد............
    لاتحرك خيم حامي الخيم موجود
    مايقبل بحرك خيام عايلته
    لازم يرجع ومو شرط جايب ماي
    يرجعلي واعرفه ومايعوف اخته
    اذا رد للخيم بصعد وفر بالنار
    ... جن مشهد نزوله السحب عايدته
    وكع لا جذبت عباس عود يطيح
    جا زود البروحي منين جايبته
    اكو لازم سبب اخره بس مو موت
    هذا اياه بروحي وعدل شايفته
    انه متعاهده ومتحالفه انه اوياه
    متفقين اموت ومامفاركته
    يمكن سامع بنحر الرضيع انصاب
    نبله وروحه يرجع مامطاوعته
    يمكن صوته اجه يوادعني
    لكن لا انه اتيه ابو فاضل كون سامعته
    ودعت العمر ماودعت عباس
    غير الكون يهتز لو موادعته
    بس شلون اذا بيه نفس مامعقول
    ريحة حرك خيمه هناك واصلته
    دخان الخيم لو واصل العباس
    لهنا جان وصلت نار عاطفته
    منو كلي عدل وانطيه عيون اثنين
    حته اهدم بروحي العزة الناصبته
    منو الشايف كمر تارس عيون الليل
    خلي يكله زينب تره مناطرته
    وانه راح انتظر عالتل واحط شموع
    وافرش ذكرياتي وعمر عايشته
    واسولف للجرح قد كان ياما كان
    فارس للشدايد جنت ذاخرته
    اذا مر عالورد يمشي الفراش وياه
    يبقى الورد كوه الكاع لازمته
    على كد ما رمز حريه تشعر بيه
    عالركبه البلابل وشم راسمته
    من يكضي الفجر يلكه الندى متانيه
    عمر الندى كاضي او واصله اخرته
    فارس صورته بكل امنيات الخيل
    كل الخيل تحلم كون شايلته
    خفف بالوطئ حد اختلط بالريح
    بحيث الكاع تحلف ماملامسته
    انه ياجرحي هذا السولفلك بيه
    لوموجود يمي ماتصير انته
    على كل حال صارت وانته هسه وياي
    وافتر الزمان المامحسبته
    جاوبني اكو ابالي سؤال يدور
    سألتني دمعتي ومامجاوبته
    من يمشي الجسد مو تمشي روحه وياه
    شو عباس راح بدون قافلته
    معقوله كدر يحمل فراك الروح
    هذا البيه ترافه بكبر منزلته
    على كد ماترف يجرح احساسه الماي
    اسألولي الشريعه خاف جارحته
    واذا تلكونه شوفوه عده راي يعود
    لو ارد لسكينه الامل كاطعته
    هاكم دمعتي وكلوله زينب هاي
    هاي البيرغ الهم مامنزلته
    كلوله بعد ما للعيال آثار
    بس رماد يلكه الخيم تاركته
    خلص ظل خيمتي وغطاني ظل دخان
    اجة وحده فازع مامحشمته
    انة لو روحي تفزع هم اكلهة ارجوج
    المو عباس يكعد مامكلفته
    ولهذا السبب كللوله بالعباس
    زينب حلفتنة تكول عاذرته

















  • #2
    الأخت نداء الكفيل بارك الله بكم قصيدة جميلة جدا

    تعليق


    • #3
      الأخت نداء الكفيل بارك الله بكم قصيدة جميلة جدا
      [/quote]


      الاخ الفاضل ابو آمنه بارك الله بك والله قد اعجبتني كلماتها عندما قرأتها فنقلتها لكم عسى ان تعجبكم
      اشكرك اخي على الرد تحياتي لكم

      تعليق


      • #4
        قصيده رائعه بمعنى الكلمة جزاكم الله ورزقكم شفاعه ابا الفضل العباس وشفاعه العقيله زينب وزيارتهما دمتم في حفظ الله


        (لاي الامور تدفن سرا بضعه المصطفى ويعفى ثراها)

        تعليق


        • #5
          المشاركة الأصلية بواسطة سجاد القزويني مشاهدة المشاركة
          قصيده رائعه بمعنى الكلمة جزاكم الله ورزقكم شفاعه ابا الفضل العباس وشفاعه العقيله زينب وزيارتهما دمتم في حفظ الله
          بارك الله بك اخ ســــــــــــجاد والله كلما قرأتها بكيت سلمت يد الذي كتبها
          تحياتي لك


          تعليق


          • #6
            حبــــــــــــــــيبتي نــــــــــــــــداء الكفــــــــــــيل
            يعطيك العافيه على القصيده المميزه
            بتميز وروعة انتقائك
            لا تحرمينا جديدك
            تقبلي مروري واحترامي

            تعليق


            • #7
              المشاركة الأصلية بواسطة كرم الزهراء مشاهدة المشاركة
              حبــــــــــــــــيبتي نــــــــــــــــداء الكفــــــــــــيل
              يعطيك العافيه على القصيده المميزه
              بتميز وروعة انتقائك
              لا تحرمينا جديدك
              تقبلي مروري واحترامي

              أنثر بين يديكِ كل الورد وكل الحب وكل الاماني بالحياة السعيده

              كــــــــــــــــــــ الزهراء ـــــــــــــــرم
              شكراااااا جزيلا لكِ



              تعليق

              يعمل...
              X