قصيدة في ذكرى استشهاد
الامام موسى بن جعفر ( عليه السلام )
أصبـر روحي گلي شلون و أتصبر
من أذكر مصابك موسى بن جعفر
**********************
من أذكـر مصابــك والسجــن والهـم
مـتـصـبلـك دمع لعــيــون تـنـزف دم
لون يدري الگبـر لمن حواك شضم
آيــات الجـلــيــل الصـعــب تـتــفــسر
*********************
آيات الجـلـيـل بشخـصــك ومـعــنـاك
ياموسى بن جعـفـر والعـمـر يـفـداك
حجه اعله البشر رب العـرش خـلاك
يـاسـابـع امـام وقــائـــد ومــصــدر
**********************
مصابـك والجـرح بـالــروح ما يـبره
اظـل انحب عـلـيك واسچـب العـبــره
عـليك بكل وكت يــامهجة الــزهــره
ويظل گلبي عـلـيـك بحزن يـتـفـطــر
*********************
من صبر الصبـرته ولوعة السجان
خلصت العـمر يـامــوسى بــالأحزان
سؤال بحيره أسأل ذنبك انـته شچان
بسجن عمرك خلص وبلوعه تتمرمر
**********************
يدري الطاغي مسجون وچنت أعزل
بـس أبـقــه ألح وحـقــي مــن أسأل
القــرر هـالـقــرار وسمك أشحـصـل
ما يــدري يموسى مــوتــك اشـأثـمـر
**********************
ما حاسب وتـصبح كـعــبــه للـوفـاد
ياموسى بن جعـفــر يا أســد بغــداد
نفس الظلم باقي بكل عـصــر يـنعـاد
يـنـزاح الظلم بالمهــدي من يـظـهــر
*********************************
تعليق