قصيدة / عهد بالدم للامام المهدي ( عج )

[الشاعر سعيد الفتلاوي]

قصيدة/ عهد بالدم
للامام المهدي ( عج )
,,,,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,,,,

نضحي ارواح للمهدي عهد بالدم تِوارثناه

امام النور والايمان بالاصلاب بايعناه

.....................

فتن وارهاب فكره يريد للعالَم يصوّرها

حفيد الشر وابن مرّه فتاوه الجور ينشرها

العمُر نفديه ما نقبل عله افكاره وْ ندمرّها

يربّ العزه ياربّي الفرج عجّل عليه ردناه

.....................

الم والآه شعوب تئِن تريد يْهل امل ملگاه

امام الخير والرحمه سِمهَ والارض تتلگاه

ابن طه وابن حيدر صَبرنه مُر لجل فرگاه

نجدّده العهد كلما نصلّي بْلهفه ناديناه

......................

زمن اظلم مضه وْ عَدّه فِنَه وْلا رد ابن هنده

الحفيد يْزيد نتصدّه نموت وْ ما يرد عهده

وْنذل اتباعه هالظالم نعم لجيوشه نتحدْه

نِجَدْم ارجال ميهمنه العهد بِدمانه وقّعناه

......................

امان يصير من يظهر ظلم والجور ما يبقه

وعد ربنه وْ نبي الامه زمانه الدنيا بي ترقه

بعد مظلوم ما يشكي وْ يرجّعله بْرضاه حقّه

عزيمتنه مْن ابو اليمّه نداء اليوم رددناه

......................

زحف لحسين نزحفله نشمّ تْرابه ونْزوره

وْدعينه الباري يم گبره يذل كل ظالم وْ جوره

وْيتم نوره على الامه بْظهور المهدي وحْضوره

هتفنه يم گبر جدّه الامام الخير عاهدناه


.................................
.................................

خادم اهل البيت (ع )
الشاعر
سعيد الفتلاوي الطويرجاوي

[من نسل عبيدك احسبني ياحسين]

رزقك ربي رؤية مولاي الحجة عج ياشاعرنا المحترم

[علي حسين الخباز]

سيدي الشاعر لفتلاوي ادعو لك بالموفقية والنجاح والشفاعة من اهل البيت عليهم السلا م

[الشاعر سعيد الفتلاوي]

رحم الله والديك حبيبي واستاذي المبدع
علي حسين الخباز

[مسلم المياحي]

احسنت اخي الكريم جعلها الله في ميزان حسناتك
كل التقدير

[الشاعر سعيد الفتلاوي]

احسن الله اليك اخي العزيز
مسلم المياحي