نداء الحسين عليه السلام

[احمد الحجي]

حسين يدري أنصاره سبعين أنتهت ____ مسجل أسماء التنصره بدفتره
بعد ألمن وكف بالطف ويصيح ____ الا من ناصر شيقصد ياتره
يعني خاطب بالنداء اهل السماء ___ وراد جبرائيل بطف ينصره
لو يحدد بالكلام اهل الأ رض ___ كون نكدر هل الكلام نفسره
كلمه من حسين تصعد بدعاء ___ تلكه جند الله كلهه محضره
وتلكه جبرائيل بطراف الجناح __ يقدم ابجيش الكفر وياخره
وشاخصه انظار التضدابن البتول ___ تنتظر شيكول كلهه مبسمرة
ومن نكول حسين خص اهل الارض ___ هاي مابيهه مجال ومعذرة
ضلت بكيف الحسين احنه شنصير ___ انصافح السبعين لو نرجع وره
خاف مالكه مكان وي الاخير ___ واخسر الثنتين دنيا واخره
بس اصيح ابحركه واصرخ ياحسين ___ اني خادمكم واريد المغفره
بلكي مره بمجلسك نحت وبجيت ___ وسجلت دمعه من الدمع الجره
اني خادم خادمك يبن الرسول __ وانتو اهل العفو العند المقدره
بس ابو الغيره الذرب والعنده دين __ من اكول حسين اسمه يأثره
ابد متهزه الرياح ومايميل __ ابد ماينباع بيه وينشره
مايكصر ثوبه ظل ثابت يقين __ ثيابه كلهه من الزياره معطره
من علاماته التختم باليمين ___ وتاج لابس من ولايه حيدره
برجله اثار المشي من الاربعين __ يقتدي بزينب التمشي ميسره
لو سمع مجلس عزاء عله الحسين ___ بعده بالبيت ودموعه محضره
يكول خادم اني بس مطلوب دين ___ وجيت اوفي الدين وادعي بمنبره

منقول

[نور العترة]

طيب الله انفاس الشاعر
جزاء الله خير الناقل

[من نسل عبيدك احسبني ياحسين]

وفقك ربي بحق العطشان ع

[خليل علي الزبيدي]

بوركتَ وبوركتْ كلماتك الندية وطلعتك البهية أشتقنا لمشاركاتك المباركة وفقك الله وحماك بحق حامي الحمى علي عليه السلام

[احمد الحجي]

اشكر مروركم الكريم وفقك الله