حـــــــــــــــــــزن روحج وحي

[مينا المرسومي]

حزن روحج وحي والصبر الهام يا بضعة علي ودمعة غديره

دنت نوك السبي ولازم تروحين على الشاطي الج نظرة اخيرة
تلت عينج عتب والمدمع ايموج غرق من الخجل بدر العشيرة
رفيف الراية بطل والهوة اينوح عباتج رفت وصارت سفيرة

حزن روحج وحي والصبر الهام يا بضعة علي ودمعة غديره

جبل لا موجبل ويهدة زلزال وكفتي وحيريتي الدنيا حيرة
يكيدونج علي ولمن يضربوج فاطم انتي وادموعج كسيرة
ولان ماكو فدك منج يسلبون سلبوا خدرج ورحتي اسيرة

حزن روحج وحي والصبر الهام يا بضعة علي ودمعة غديره

يمن بين الهزيلة ومحمل الضيم قطعتي من ديرة ال ديرة
تاجج عالرمح يا اخت الحسين وانتي بموكب احزانج اميرة
من المحمل نظرتي الراس مرفوع نطحتي جبينج وصارت شعيرة
حزن روحج وحي والصبر الهام يا بضعة علي ودمعة غديره

سلام الله على الامج يا حوراء بنزيف المجد خطيتي المسيرة
بلسان الشقشقية صحتي بيزيد رعد وبمجلسة يدمدم هديرة
شفتي العود يضرب ثغر الحسين وعباس بعيونج يحجي غيرة

حزن روحج وحي والصبر الهام يا بضعة علي ودمعة غديره

يا اول مرة بعالم الثوار شلتي كربلة بروح البصيرة
يا يا ثاني كفيل ال ضعن الاحزان قلبج بالبشر ما صح نظيرة
يا ثالث ثلاثة بصحف عاشور الزمن رتل اسم زينب ضميرة

حزن روحج وحي والصبر الهام يا بضعة علي ودمعة غديره

[محمد السوداني]

جزاك الله كل خير اختي المواليه

[مينا المرسومي]

وجزاكم الله الخير كله اخي محمد نسالكم الدعاء ان شاء الله

[الشاعر سعيد الفتلاوي]

احسنت اختاه

[خليل علي الزبيدي]

لجميل ما أقرأ لاأجد ما أكتبه غير دعائي لكم بحسن القبول والثبات على ولاية آل الرسول عليهم الصلاة والسلام