من علم الذر ياعلي واليتك

[مسلم المياحي]

من علم الذر ياعلي واليتك تملكني حبك وبظميري الكيتك

ياداحي الباب ياداحي الباب
******************************

حبك تملك مهجتي ووجداني وبسمك تئكد مبدئي وعنواني

الدرب الهدايه للعل دلاني من المهالك والخطر نجاني
ولو صعبه مرت ياعلي ناديتك تملكني حبك وظميري الكيتك
ياداحي الباب ياداحي الباب
****************************************
عهد الولايه بدمي صغت حروفه ماهمني كيد الناصبك وسيوفه
والساني ردد حب علي ماعوفه ولاانسه فضله وشيمته ومعروفه
من الباري منيه بظامري تمنيتك تملكني حبك وبظمير الكيتك
ياداحي الباب ياداحي الباب
***********************************************
بتاج الولاية موسم وبجبيني اية محبتك وانته حصني وديني
يابا الحسن ومحبتك تكفيني عا لضدتك والنكرت تعليني
بروحي وكياني يااميري افديتك تملكني حبك وبظميري الكيتك
ياداحي الباب ياداحي الباب
*********************************************
صوره بخيالي ارتسمت ومحلاهه اقسم يحيدر عمري ماانساهه
طه بعظمته اختصك ومن طه زئم جفه جفك عالملا علاهه
واذكر وصيته الخالده بشخصيتك تملكني حبك وبظميري الكيتك
ياداحي الباب ياداحي الباب
**********************************************
اصحاب السقيفه بيعتك نكروهه والوالتك يابا الحسن عادوهه
وللشيعه صرخه بكل عصر رفعوهه ماتغله لجلك دمنه لوهدروهه
ولودمنه سالت توصل التضحيتك تملكني حبك وبظميري الكيتك
ياداحي الباب ياداحي الباب
**********************************************
جاروتماده الضدك وصب جوره بكل بقعه ومتلئة دمه المعموره
لاكن يحيدر حبك ايشع نوره يزيل الظلام ويظهر بكل صوره
وساعة بزوغ انوارك وقدسيتك تملكني حبك وبظميري الكيتك
ياداحي الباب ياداحي الباب
************************************************** *
الشاعر ابو حسن المياحي

[من نسل عبيدك احسبني ياحسين]

مأجورشاعرنا الكريمــــــــــــــــــــــــــــــــــــــــــــ ـــــــــــ

[علي حسين الخباز]

الشاعر مسلم المياحي بوركت شفاعة سيدي الكرار بعون الله